रोकिएका महत्वपूर्ण आयोजनालाई निरन्तरता दिँदै प्रदेश १ सरकार
<p>विराटनगर। प्रदेश १ ले लकडाउनका कारण प्रभावित भएका केही महत्वपूर्ण आयोजनालाई सामाजिक दूरी कायम राखेर निरन्तरता दिने तयारी गरेको छ।</p>
<p>मुख्यमन्त्री शेरधन राईले त्यस्ता आयोजना पहिचान गरी आवश्‍यक सावधानी र सतर्कता अपनाउँदै सम्पन्‍न गर्नेतर्फ गृहकार्य भइरहेको जानकारी गराएका छन्।</p>
<p>प्रदेशस्तरीय योजना र बजेट तथा कार्यक्रम तर्जुमा दिग्दर्शनको सार्वजनिक कार्यक्रममा उनले कोभिड-१९ ले अर्थतन्त्रमा असर परेको र आउँदो वर्षको योजना निमार्णमा यसले पार्ने असर अनुमान गर्न नसक्दा चुनौति थपिएको बताए।</p>
<p>अब बन्ने योजना माग र आवश्यकताको आधारमा तराई पहाड र हिमालको समुचित विकास हुने गरी निर्माण गरिने उनको प्रतिबद्धता थियो।</p>
<p>आर्थिक मामिला तथा योजना मन्त्री इन्द्रबहादुर आङ्बोले प्रदेशमा पर्याप्त बजेट रहेको बताउँदै अहिले विकास बजेट कटौती गरी कोरोना विरुद्धको कोषमा लगाउनुपर्ने अवस्था नरहेको बताएका छन्।</p>
<p>उनका अनुसार विकास बजेट बाहेक भ्रमण, अध्ययन भ्रमण, अनुगमन, सेवा परामर्श, कम्प्यूटर, सवारीसाधनलगायतको शीर्षकको बजेट भने रोक्का गरिएको छ।</p>
प्रतिक्रिया दिनुहोस्
.jpg)
