अध्ययनको निष्कर्ष- स्वस्थ व्यक्तिले फैलाउँछन् कोभिड-१९ को संक्रमण
<p>वासिङ्टन। बुधबार प्रकाशित भएको एक अध्ययन प्रतिवेदनले कोरोना भाइरसको संक्रमण स्वस्थ व्यक्तिले सार्ने गरेको उल्लेख छ।</p>
<p>‘पछिल्ला घटना अध्ययन गर्दा स्वस्थ मानिसले कोरोना भाइरसको संक्रमण फैलाइरहेको देखिन्छ,’ नेचर साइन्स नामक जर्नलमा प्रकाशित प्रतिवेदनमा उल्लेख छ।</p>
<p>प्रतिवेदनअनुसार कोभिड-१९ को लक्षण देखिनुअघि नै मानिस अत्यधिक संक्रमित भइसकेका हुन्छन्।</p>
<p>‘संक्रमणको लक्षण देखिन थाल्दा थ्रोट स्वाबमा भाइरल लोड उच्च देखिने गरेको छ,’ प्रतिवेदनमा भनिएको छ, ‘यसबाट प्रष्‍ट हुन्छ- लक्षण देखिनुअघि नै संक्रमण जटिल बनिसकेको हुन्छ।’</p>
<p>सीएनएनका अनुसार अध्ययनकर्ताहरूको निष्‍कर्ष छ- भाइरसको विस्तार हेर्दा लक्षण देखिनुभन्दा २-३ दिनअघि एक व्यक्तिले अर्कोमा भाइरस सार्ने गरेको पाइन्छ।</p>
<p>लक्षण देखिनुअघि नै मानिसले भाइरस अर्कोमा सारिसक्ने भएकाले सार्वजनिक स्वास्थ्यमा तीव्र हस्तक्षेपको आवश्यकता देखिएको अध्ययनकर्ताहरूले सुझाएका छन्।</p>
<p>कोभिड-१९ का बिरामीहरूसँग पहिलो पटक लक्षण देखिएको सम्झनाका आधारमा यो अध्ययन गरिएको हो।</p>
प्रतिक्रिया दिनुहोस्
.jpg)
