आईएमएफ भन्छ- ६० वर्षपछि एशियाली मुलुकको विकास अवरुद्ध
<p>वासिङ्टन। अन्तर्राष्‍ट्रिय मुद्रा कोष (आईएमएफ)ले कोभिड–१९ को महामारीका कारण एशियाली मुलुकहरूको विकास अवरुद्ध हुने बताएको छ।</p>
<p>यो ६० वर्षयताको पहिलो घटना भएको आईएमएफको निष्‍कर्ष छ। एशियाली मुलुकहरूको विकास अवरुद्ध हुँदा विश्‍वव्यापी आर्थिक संकट चुलिने संस्थाले बताएको छ।</p>
<p>तर, कोरोना भाइरसको संक्रमण रोक्न तत्काल सफलता मिल्यो भने सन् २०२१ मा एशियाको विकास दर ह्वात्तै बढ्ने प्रक्षेपण आईएमएफको छ।</p>
<p>यसअघि विश्‍व बैंकले दक्षिण एशियाली मुलुकहरू ४० वर्षमा पहिलो पटक खराब आर्थिक संकटबाट गुज्रिएको बताएको थियो। त्यसको एक दिनपछि आईएमएफले पूरै एशियाली मुलुकहरूको अवस्थाबारे बोलेको हो।</p>
<p>यसैबीच, १९ वटा मुलुकका सरकार र युरोपियन युनियनसहितको जी-२० समूहले ७७ वटा गरिब देशहरूको ऋण भुक्तानीको अवधि थप्ने निर्णय गरेको छ।</p>
प्रतिक्रिया दिनुहोस्
.jpg)
