कोभिड-१९ बाट बेलायतमा मृत्यु हुने नेपालीको संख्या १० पुग्यो, अर्का भूपू गोर्खा सैनिकको मृत्यु
<p>काठमाडौं। बेलायतको लण्डनमा कोभिड-१९ बाट थप एक भूपूगोर्खा सैनिकको मृत्यु भएको छ।</p>
<p>लण्डनको प्लमस्टिडमा बस्दै आएका अन्दाजी ५५ वर्षीय लक्ष्मण श्रेष्ठको गाइज अस्पतालमा उपचारका क्रममा हिजो, ३ वैशाखमा मृत्यु भएको श्रेष्ठसँग एउटै पल्टनमा काम गरेका पूर्वसैनिक भोज बरालले बताए।</p>
<p>स्जाङजा स्थायी घर भई केही वर्षअघि पोखरा लेकसाइड बसाइँ सरेका श्रेष्ठ हाल बेलायतमा थिए।</p>
<p>दुई हप्तादेखि खोकी र ज्वरो आएर अस्पताल भर्ना भएका उनको स्वास्थ्य अवस्था जटिल बनेपछि पछिल्लो समय भेन्टिलेटरमा राखिएको थियो।</p>
<p>अहिलेसम्म सार्वजनिक तथ्यांक अनुसार कोभिड-१९ को कारण बेलायतमा मृत्यु हुने नेपाली १० पुगेका छन्। तीमध्ये सातजना पूर्वगोर्खा सैनिक छन्। <em>रासस</em></p>
प्रतिक्रिया दिनुहोस्
.jpg)
