दुबईबाट फर्केका झापाका एक युवाको र्यापिड टेष्ट नतिजा पोजेटिभ
<p>भद्रपुर। झापाको हल्दिबारी गाउँपालिकाका एक व्यक्तिमा र्‍यापिड डायग्नोस्टिक टेस्ट (आरडिटी) बाट कोभिड-१९ परीक्षण गर्दा ‘एन्टीबडी पोजेटिभ’ भेटिएको छ ।</p>
<p>सो गाउँपालिकाका ६१ जनाको र्‍यापिड टेष्‍ट गरिएकोमा वडा- २ का ३१ वर्षीय युवाको रिपोर्ट पोजेटिभ देखिएको स्वास्थ्य कार्यालय झापाका फोकल पर्सन जीवन चौलागाईँले बताए।</p>
<p>५ चैतमा दुबईबाट घर फर्किएका उनको स्वास्थ्य अवस्था सामान्य छ। घर आएदेखि नै उनी होम क्वारेन्टाइनमा बसेका थिए।</p>
<p>चौलागाईँका अनुसार आरडिटीबाट पोजेटिभ देखिएका व्यक्तिसहित परिवारका सातजनाको थ्रोट स्वाब संकलन गरेर पीसीआर परीक्षणका लागि विराटनगरस्थित प्रादेशिक अस्पताल पठाइएको छ।</p>
<p>हल्दिबारीका अन्य १४ जनाको समेत थ्रोट स्वाब परीक्षणका लागि पठाइएको छ। <em>रासस</em></p>
प्रतिक्रिया दिनुहोस्
.jpg)
