कोभिड-१९ को जोखिमलाई ध्यान दिँदै अख्तियारले हिरासतका चारजनालाई धरौटीमा छाड्यो
<p>काठमाडौं। अख्तियार दुरूपयोग अनुसन्धान आयोगले कोभिड-१९ को जोखिमलाई ध्यान दिँदै आज चारजना थुनुवालाई तारेखमा छाडेको छ।</p>
<p>कसूरको गम्भीर्यता, अनुसन्धानको पूर्णता र कोरोना भाइरसको संक्रमणलाई मध्यनजर गर्दै उनीहरूलाई छाडिएको अख्तियारका प्रवक्ता प्रदीपकुमार कोइरालाले बताए।</p>
<p>‘हुनसक्ने सजाय र हिरासतमा बसेको अवधि’ समेतलाई मध्यनजर राख्दै आयोगको हिरासतमा रहेकामध्ये चारजनालाई बाँकी अनुसन्धान पूरा गर्ने गरी धरौटी लिएर तारेखमा छाडिएको अख्तियारले जनाएको छ।</p>
<p>अख्तियारले यसअघि पनि आठजनालाई हिरासतमुक्त गरेको थियो।</p>
<p>आयोगले आज जारी गरेको विज्ञप्तिमा कुन-कुन मुद्धाका क-कसलाई छाडिएको हो भन्ने चाहिँ खुलाएको छैन।</p>
प्रतिक्रिया दिनुहोस्
.jpg)
