ताेकिएकाे भन्दा बढी मूल्यमा उपभोग्य वस्तु बिक्री गर्ने दुई पसललाई जरिवाना
<p>काठमाडाैं। दैनिक उपभोग्य वस्तु बढी मूल्य लिएर बिक्री गर्ने दुई पसललाई वाणिज्य, आपूर्ति तथा उपभोक्ता संरक्षण विभागले कारबाही गरेको छ।</p>
<p>लकडाउनका अवधिमा खाद्यवस्तुमा मूल्यवृद्धि गरी बिक्री गरेकाले महांँकालस्थित डेली ग्रोसरी प्रालिलाई दुई लाख रूपैयाँ जरिवाना गराइएको विभागले जनाएको छ।</p>
<p>अधिकतम खुद्रा बिक्री मूल्य समावेश गरिएको सामान दोब्बर मूल्यमा बिक्री गरेको भेटेपछि कारबाहीस्वरूप जरिवाना गराइएको विभागका अनुगमन निरीक्षक दीपक पोख्रेलले जानकारी दिए। </p>
<p>उनका अनुसार आजै इमाडोलस्थित दीपशिखा स्टोर्समा खरीद बिल नभएकाले पचास हजार रूपैयाँ जरिवाना गराइएको छ।</p>
<p>अनुगमनका क्रममा बढी मूल्य लिएको भेटिएपछि उपभोक्ता संरक्षण ऐन, २०७५ अनुसार जरिवाना गरिएको पोख्रेलले जानकारी दिए। </p>
<p>विभागले हिजाे, ३ वैशाखमा बढी मूल्यमा किराना सामग्री बिक्री गरेकाले सीतापाइलास्थित बुद्धबजार प्रालिलाई दुई लाख रूपैयाँ जरिवाना गराएकाे थियो। <em>रासस</em></p>
प्रतिक्रिया दिनुहोस्
.jpg)
