स्वास्थ्य सामग्री लिएर नेपाल एअरलाइन्सको दुई वाइडबडी जहाज चीनबाट फर्किँदै
<p>काठमाडौं। नेपाल वायु सेवा निगमको दुवै वाइडबडी जहाज स्वास्थ्य सामग्री लिएर आज चीनबाट फर्किँदैछ।</p>
<p>निजी क्षेत्रले खरीद गरेको स्वास्थ्य सामग्री लिन दुवै जहाज हिजो, ४ चैत साँझ चीनको गोन्जाओतर्फ उडेको थियो। </p>
<p>दुवै विमान आज बिहान काठमाडौं फर्किने उडान तालिका रहेको छ।</p>
<p>निगमकी प्रवक्ता अर्चना खड्काका अनुसार प्ल्यास फ्रेट लजिस्टिक र सिल्क फ्रेटले निगमका विमान कार्गो चार्टर्ड गरेका हुन्।</p>
<p>प्ल्यास फ्रेट लजिस्टिकले २ वैशाखका लागि बुकिङ गरेको उडान निगमले प्रक्रिया पूरा नगर्दा उडान भर्न सकेको थिएन।</p>
<p>यसअघि २८ चैतका लागि विमान बुकिङ गरेको भए पनि चीनले भन्सार क्लियरिङ गर्न समय लाग्‍ने बताएपछि २ वैशाखका लागि उडान सारिएको थियो।</p>
<p>तर, निगमले समयमा प्रक्रिया पूरा नगरेकाले सामान ल्याउन नसकिएको प्ल्यास फ्रेट लजिस्टिकले बताएको छ।</p>
<p>निजी अस्पताल र व्यापारिक कम्पनीले स्वास्थ्य सामग्री ल्याउन बुकिङ गरेको प्ल्यास फ्रेट लजिस्टिककी प्रमुख कार्यकारी अधिकृत अरुणा सिग्देलले बताइन्।</p>
<p> निगमले यसअघि पनि तीनपटक काठमाडौं-गोन्जाओ कार्गो चार्टर्ड उडान गरिसकेको छ।</p>
प्रतिक्रिया दिनुहोस्
.jpg)
