नेकपा संगठन विभागमा ३ जना थपिए
<p>काठमाडौं। सत्तारुढ दल नेपाल कम्युनिष्ट पार्टी (नेकपा) ले पार्टी संगठन विभागमा ३ जना सदस्य थप गरेको छ।</p>
<p>प्रधानमन्त्री निवास बालुवाटारमा भर्खरै सम्पन्न सचिवालय बैठकबाट संगठन विभागमा थप भएकाहरुमा अष्टलक्ष्मी शाक्य, भानुभक्त ढकाल र हरि अधिकारीलाई थप गरिएको नेकपा प्रवक्ता नारायणकाजी श्रेष्ठले <em>देखापढी</em>लाई बताए। </p>
<p>बैठकमा १४ मंसिरमा हुने उपनिर्वाचनको लागि पार्टीको तर्फबाट उम्मेदवार हुने व्यक्तिहरुको नाम १० कात्तिकभित्र सिफारिश गर्न सम्बन्धित प्रदेश तथा जिल्ला कमिटीहरुलाई निर्देशन दिने निर्णय भएको छ।</p>
<p>प्रतिनिधि सभा र प्रदेश सभा सदस्यको हकमा सम्बन्धित जिल्ला कमिटी र प्रदेश कमिटीबाट सिफारिश गरि केन्द्रीय कमिटीले नाम टुंग्याउने छ।</p>
<p>गाउँपालिका र नगरपालिकाको प्रमुख/उपप्रमुख र मेयर /उपमेयरको हकमा नगर कमिटीको सिफारिशमा प्रदेश कमिटीले उम्मेदवारको नाम टुंग्याउने बैठकले निर्णय गरेको छ।</p>
<p>वडाको हकमा भने सम्बन्धित वडा कमिटीको सिफारिशमा जिल्ला कमिटीले उम्मेदवारको अन्तिम टुंगो लगाउने छ।</p>
<p>बैठकमा सभामुखको छनोट र मन्त्रिपरिषद् हेरफेरको विषय भने प्रवेश नभएको प्रवक्ता श्रेष्ठले जानकारी दिए। <br />
</p>
प्रतिक्रिया दिनुहोस्
.jpg)
