अमेरिकाको नर्सिङ होमबाट १७ वटा शव बरामद
<p>अमेरिका। अमेरिकाको न्युजर्सीस्थित एक नर्सिङ होमबाट प्रहरीले १७ वटा शव बरामद गरेको छ। ती शव मुर्दाघरमा स्टोर गरेर राखिएका थिए।</p>
<p>उक्त नर्सिङ होम न्युजर्सी राज्यकै ठूलो हो।</p>
<p>एन्डेवर सुबाक्युट एन्ड रिह्याबिलिटेसन सेन्टरसँग जोडिएका ६८ जनाको हालै निधन भएको थियो। तीमध्ये २६ जनामा कोभिड-१९ पोजिटिभ देखिएको थियो। </p>
<p>न्युजर्सीमा ७१ हजार जनामा कोभिड-१९ पोजिटिभ देखिएको थियो भने तीन हजार एक सय जनाको मृत्यु भएको थियो।</p>
<p>नर्सिङ होमबाट बरामद भएका शवमा कोभिड-१९ पोजिटिभ छ कि छैन भन्ने स्पष्‍ट भइसकेको छैन। शव लुकाएर राख्नुको कारण पनि खुलेको छैन।</p>
<p>उनीहरूको मृत्यु भएको पूर्ण जानकारी पनि परिवारजनलाई दिइएको थिएन।</p>
प्रतिक्रिया दिनुहोस्
.jpg)
