स्वास्थ्य सामग्री लिएर चीनको गोन्जाओबाट काठमाडौं आइपुग्यो दुई वाइडबडी विमान
<p>काठमाडौं। नेपाल एअरलाइन्सका दुईवटा वाइडबडी विमान चीनको गोन्जाओबाट स्वास्थ्य सामग्री लिएर काठमाडौं फर्किएको छ।</p>
<p>केही बेरअघि १५ मिनेटको फरकमा दुवै विमान त्रिभुवन अन्तर्राष्‍ट्रिय विमानस्थलमा अवतरण गरेको नेपाल नागरिक उड्डयन प्राधिकरणका प्रवक्ता राजकुमार क्षेत्रीले <em>देखापढी</em>लाई बताए।</p>
<p>एउटा बिहान ७ र अर्को विमान ७ बजेर १५ मिनेटमा काठमाडौं विमानस्थल अवतरण गरेका हुन्। </p>
<p>कोभिड-१९ को रोकथाम तथा उपचारका लागि निजी क्षेत्रले खरीद गरेको सामग्री लिन निगमका दुई जहाज हिजो साँझ चीनको गोन्जाओतर्फ उडेको थियो। </p>
<p>निगमकी प्रवक्ता अर्चना खड्काका अनुसार प्ल्यास फ्रेट लजिस्टिक र सिल्क फ्रेटले निगमका विमान कार्गो चार्टर्ड गरेका हुन्।</p>
<p>प्ल्यास फ्रेट लजिस्टिकले २ वैशाखका लागि बुकिङ गरेको उडान निगमले प्रक्रिया पूरा नगर्दा उडान भर्न सकेको थिएन।</p>
<p>निगमले यसअघि पनि स्वास्थ्य सामग्री ल्याउन तीनपटक काठमाडौं-गोन्जाओ कार्गो चार्टर्ड उडान गरिसकेको छ।</p>
प्रतिक्रिया दिनुहोस्
.jpg)
