वेलायती नागरिकलाई घर लैजान टाइटन एअरवेजको विमान काठमाडौं आउँदै
<p>काठमाडौं। नेपालमा रहेका बेलायती नागरिक लैजान टाइटन एअरवेजको विमान काठमाडौं आउँदैछ।</p>
<p>नागरिक उड्डयन प्राधिकरणका प्रवक्ता राजकुमार क्षेत्रीका अनुसार बोइङ-७६७ विमान मध्यान्ह १२ बजे त्रिभुवन अन्तर्राष्‍ट्रिय विमानस्थल अवतरण गर्नेछ भने दिउँसो १ बजे फर्कनेछ।</p>
<p>काठमाडौंस्थित ब्रिटिश दूतावासले चार्टर्ड गरेको सो विमान दुबईबाट काठमाडौं आउन लागेको हो।</p>
<p>यसअघि २६ चैतमा उक्त एअरवेजले काठमाडौंबाट २५२ जना बेलायती नागरिकलाई उद्धार गरेको थियो।</p>
<p>त्यस्तै आजै अपरान्ह एअर अरेवियाको एअरवस-३२० कार्गो विमान सारजाहबाट काठमाडौं आउँदैछ।</p>
<p>प्रवक्ता क्षेत्रीले उक्त विमान किन आउने भन्ने चाहिँ जानकारी भइनसकेको बताए।</p>
<p>एअर अरेवियाको विमान अपरान्ह पौने पाँच बजे काठमाडौं आएर पौने छ बजे फर्किनेछ।</p>
प्रतिक्रिया दिनुहोस्
.jpg)
