बेलायतमा कोभिड-१९ बाट गर्भवती नर्सको मृत्यु, शिशु सकुशल
<p>लन्डन। बेलायतमा कोभिड-१९ पोजिटिभ देखिएकी एक नर्सको मृत्यु भएको छ।</p>
<p>बेलायतको राष्ट्रिय स्वास्थ्य सेवा विभागका अनुसार उनले जन्म दिएकी नवजात शिशु भने सकुशल छन्।</p>
<p>मेरी एगिवा अग्यापोङ नामकी ती नर्स लन्डनको लुटन एन्ड डन्स्टेबल युनिभर्सिटी हस्पिटलमा पाँच वर्षदेखि कार्यरत थिइन्।</p>
<p>कोभिड-१९ पोजिटिभ देखिएपछि उनलाई ७ अप्रिलमा अस्पताल भर्ना गरिएको थियो। २८ वर्षीया उनको उपचारकै क्रममा मृत्यु भएको हो। </p>
<p>सीएनएनका अनुसार बेलायमा हालसम्म २७ जना स्वास्थ्यकर्मीको कोभिड-१९ का कारण मृत्यु भइसकेको छ।</p>
प्रतिक्रिया दिनुहोस्
.jpg)
