कोरोना संक्रमित बागलुङकी ६५ वर्षीया महिलाको रिपोर्ट आज पनि नेगेटिभ आए डिस्चार्ज गरिने
<p>बागलुङ। कोभिड-१९ बाट संक्रमित बागलुङ नगरपालिका-३ की ६५ वर्षीया महिलाको तेस्रो जाँचको रिपोर्ट नेगेटिभ आएपछि अस्पतालले डिस्चार्जको तयारी गरेको छ।</p>
<p>बेल्जियमबाट दोहा हुँदै कतार एअरको क्यूआर ६५२ विमानमा ४ चैतमा नेपाल आएकी उनमा २० चैतमा कोरोना भाइरस सङ्क्रमणको पुष्टि भएको थियो।</p>
<p>“उहाँको तेस्रो जाँचमा नेगेटिभ नतिजा आएको छ, थप जाँचका लागि स्वाबको नमूना पोखरा पठाउँछौँ”, धौलागिरी अस्पतालका प्रमुख चिकित्सक शैलेन्द्र बी पोखरेलले भने, “अर्को रिर्पोट पनि नेगेटिभ आए डिस्चार्ज गर्छौँ।”</p>
<p>ती महिला १५ दिनदेखि धौलागिरी अस्पतालको आइसोलेसन कक्षमा उपचाररत् छिन्। उनको स्वास्थ्य अवस्था सामान्य रहेको पोखरेलले बताए।</p>
<p>अहिले उनलाई नियमित सेवन गर्दै गरेको उच्च रक्तचाप र दमको मात्र औषधि चलाइएको छ।</p>
<p>त्यहीँ उपचाररत् अर्की संक्रमित बागलुङ नगरपालिका-४ की १९ वर्षीया युवतीको भने चौथो जाँचको रिपोर्ट भने पोजिटिभ आएको अस्पतालले जनाएको छ।</p>
<p>पोजेटिभ रिपोर्टसँगै युवतीको अस्पतालको बसाइ लम्बिने भएको छ। <em>रासस</em></p>
प्रतिक्रिया दिनुहोस्
.jpg)
