युरोपियन क्लब प्रतियागिता २९ अगष्टसम्म सक्ने तयारी
<p>काठमाडौं। युरोपियन फुटबल महासंघ (युईएफए) ले च्याम्पियन्स लिग २०१९-२० सिजनको फाइनल खेल २९ अगष्‍टमा गर्ने तयारी गरिरहेको छ। </p>
<p>यस विषयमा थप छलफलका लागि युरोपियन फुटबलको सर्वोच्च निकाय युईएफएको बैठक २३ अप्रिलमा बस्‍ने छ। उक्त बैठकमा कोभिड-१९ महामारीका कारण स्थगित सिजनलाई कसरी पुर्णता दिने भन्‍नेबारे पनि छलफल हुने बताइएको छ। </p>
<p>सम्भवत: उक्त बैठकमा युरोपका अधिकांश लिग सिजन समाप्त हुने मितिअघि नै सक्ने विषयमा सहमति जुटाउने प्रयास हुनेछ। च्याम्पियन्स लिगको फाइनल २९ अगष्‍टमा इस्तानबुलमा हुनेछ। युरोपा लिग भने २६ अगष्‍टमा जिडान्स्कमा गर्ने तयारी गरिएको बीबीसीले जनाएको छ। </p>
<p>च्याम्पियन्स लिगमा क्‍वार्टरफाइलकै चार खेल बाँकी छन्। युभेन्टसले लियोनविरुद्ध, म्यानचेस्टर सिटीले रियाल मड्रिडविरुद्ध, बार्सिलोनाले नेपोलीविरुद्ध तथा बायर्न म्युनिखले चेल्सीविरुद्ध दोस्रो लेग खेल्न बाँकी नै छ। </p>
<p>यस्तै, युरोपा लिगमा पनि अन्तिम-१६ को दोस्रो लेगका खेलहरू हुन बाँकी छन्। त्यसमा स्पेन र इटालीका क्लबहरूले पनि दोस्रो लेग खेल्न बाँकी छ। कोरोना भाइरस संक्रमणका कारण युरोपमा इटाली र स्पेन बढी प्रभावित बनेको छ।</p>
प्रतिक्रिया दिनुहोस्
.jpg)
