कोभिड-१९ पीडितलाई खाना बाँड्दै युजराज ह्यारी दम्पती
<p>लसएन्जेलस। शाही पद्‍वी त्यागेर अमेरिकाको लसएन्जेलसमा बस्दै आएका बेलायती युवराज ह्यारी र उनकी पत्‍नी मेगन मर्केल कोभिड-१९ का पीडितको सेवामा जुटेका छन्। </p>
<p>महामारी सर्ने जोखिम बेवास्ता गर्दै उनीहरू लसएन्जेलसका बासिन्दालाई खाना वितरणमा अगाडि सरेका हुन्। स्थानीय नाफारहित संस्था ‘प्रोजेक्ट एन्जल फुड’मार्फत उनीहरूले स्वेच्छाले कोभिड-१९ को गम्भीर संक्रमणमा रहेको मानिसलाई भोजन तयार पारे अनि उनीहरूसम्म पुर्‍याए।</p>
<p>‘प्रोजेक्ट एन्जल फुड’का सीईओ रिचार्ड अयुबले सीएनएनलाई बताएअनुसार एन-९५ मास्क र पञ्जा लगाएर उनीहरू बाहिर निस्किए अनि बिरामीलाई खाना र फलफूल वितरण गरे।</p>
<p>बिरामीहरूले भने आफूलाई कसले खाना खुवाए भन्ने थाहा पाएनन्। ह्यारी र मेगन उनीहरू भएको स्थानबाट बाहिरिएपछि मात्र बिरामीलाई जानकारी दिइयो।</p>
<p>दुवैले शाही ठाँटबाँट देखाएनन्, आम मानिसझैं सामान्य ढंगले आए र बिरामीलाई भोजन वितरण गरेर बाहिरिए।</p>
<p>शाही दम्पती ३१ मार्चमा प्रोजेक्ट एन्जलसँग जोडिएका हुन्। अप्रिलमा उनीहरूले ‘आर्कवेल’ नाममा नयाँ च्यारिटी योजना पनि सार्वजनिक गरेका छन्। तर, यस्ता कार्यक्रममा शाही ब्रान्ड प्रयोग नगर्ने उनीहरूले सार्वजनिक घोषणा नै गरेका छन्।</p>
प्रतिक्रिया दिनुहोस्
.jpg)
