भरतपुरमा कोभिड-१९ परीक्षण नतिजा शंकास्पद देखिएपछि आमाछोराको नमूना काठमाडौं पठाइयो
<p>चितवन। कोभिड-१९ परीक्षणको क्रममा आमा-छोराको थ्रोट स्वाब नमूनाको नतिजा शंकास्पद आएपछि यकिनको लागि राष्ट्रिय जनस्वास्थ्य प्रयोगशाला, काठमाडौं पठाइएको छ।</p>
<p>पीसीआर प्रविधिबाट गरिएको उनीहरूको कोभिड-१९ परीक्षण नतिजा शंकास्पद देखिएको भरतपुर अस्पतालले जनाएको छ।</p>
<p>३ वैशाखमा र्‍यापिड डायग्नोष्टिक टेष्टका क्रममा एक महिलाको शंकास्पद नतिजा आएको थियो।</p>
<p>उनी र उनका दुई छोरालाई सोही दिन भरतपुर अस्पतालको आइसोलेसनमा राखिएको थियो।<br />
<br />
हिजो, ४ वैशाखमा गरिएको परीक्षणमा आमा र एक छोराको नमूना रिपोर्ट शंकास्पद पाइएको अस्पतालले जनाएको छ।</p>
<p>५ चैतमा उनीहरू बेलायतबाट हङकङ हुँदै नेपाल आएका हुन्।</p>
<p>निजहरु राप्ती नगरपालिकाका बासिन्दा भएको स्वास्थ्य कार्यालय चितवनले जनाएको छ।<em> रासस</em></p>
<p> </p>
प्रतिक्रिया दिनुहोस्
.jpg)
