नेत्रविक्रम चन्द समूहका कार्यकर्ताद्वारा भोजपुरका स्ववियू सभापतिमाथि आक्रमण
<p>भोजपुर। नेत्रविक्रम चन्द नेतृत्वको नेकपाका हतियारधारी एक समूहले स्वतन्त्र विद्यार्थी यूनियन भोजपुर बहुमुखी क्याम्पसका सभापति प्रकाशसिं राईसहित दुईजनालाई कुटपिट गरेका छन्।</p>
<p>चार दिनअघि राति षडानन्द नगरपालिका-२ कुदाककाउलेको तल्लो ताबुमा उनीहरूमाथि आक्रमण भएको भन्दै अनेरास्ववियूले विज्ञप्ति निकालेर घटनाको निन्दा गरेको छ।</p>
<p>स्ववियू सभापति राई र अनेरास्‍ववियू जिल्ला कमिटी सदस्य उत्तराज खड्कामाथि चन्द समूहका कुदाककाउले घर भएका प्रकाश गुरुङसहितको समूहले कुटपिट गरेको अखिलका जिल्ला संयोजक ध्रुवराज राईले बताए।</p>
<p>आफूलाई कन्‍चटमा पेस्तोलले हानेको र भागेर नजिकैको प्रहरी चौकीमा आइ घर फर्किएको पीडित राईले देखापढीलाई बताए।</p>
<p>जिल्ला प्रहरी कार्यालय भोजपुरका प्रमुख डीएसपी नरबहादुर सलामी मगरका अनुसार कुटपिट गर्ने गुरुङ प्रहरीको खोजीको सूचीमा रहेका व्यक्ति हुन्।</p>
<p>"यसअघि पनि निकै आपराधिक घटनामा संलग्न भएको हामीसँग रेकर्ड छ। पक्राउका लागि प्रहरी परिचालन गरेका छौं", मगरले भने।</p>
<p>साथीको बिरामी आमालाई घर पुर्‍याउने क्रममा जिल्ला प्रशासन कार्यालयबाट पास लिएर गएका उनीहरूलाई राति मोटरसाइकल रोक्न लगाएर कुटपिट गरिएको हो।</p>
प्रतिक्रिया दिनुहोस्
.jpg)
