पेरिस-आम्सटर्डम हाइपरलुपमा ९० मिनेट
<p>पेरिस। फ्रान्सको राजधानी पेरिसबाट नेदरल्यान्ड्सको राजधानी आम्स्टर्डम पुग्‍न रेलबाट तीन घण्टा २० मिनेट लाग्छ। विमानबाट यात्रा गर्दा पनि एक घण्टा २० मिनेट लाग्छ। सडकबाट यात्रा गर्नु पर्‍यो भने त पाँच सय सात किलोमिटर पार गर्न पाँच घण्टा २६ मिनेट खर्चिनुपर्छ।</p>
<p>वैज्ञानिकहरू ती सबैको विकल्प तयार पार्न जुटेका छन्। भविष्यमा दुई मुलुकका राजधानी जोड्ने माध्यम तयार हुँदैछ, हाइपरलुपको। यातायातका साधन र अन्तरिक्ष यानको गति अहिलेको भन्दा तीव्र बनाउने वैज्ञानिकहरूको प्रयासको एक हिस्सा हो यो।</p>
<p>नेदरल्यान्ड्सका अधिकारीहरू सार्वजनिक यातायातमा हाइपरलुप प्रविधि सस्तो र सहज रहेकामा सहमत भइसकेका छन्। हाइपरलुप भविष्यका लागि प्रस्तावित यातायातको साधन हो।</p>
<p>चिप्लो कोसा या क्याप्सुल आकारको यातायातको साधन कम दबाबवाला स्टिल ट्युबमा दौडिन्छ, जसले प्रतिघण्टा ६ सय माइलभन्दा बढीको गति समात्छ।</p>
<p style="text-align:center"><img alt="" height="357" src="https://www.dekhapadhi.com/storage/photos/shares/Technology/Hyperloop.jpg" width="634" /></p>
<p>यातायातको यो नयाँ माध्यम हालमा तीव्र गतिका रेल र विमानभन्दा विश्‍वसनीय हुने दाबी वैज्ञानिकहरूको छ। यसले भविष्यमा एक देशबाट अर्कोमा मात्र होइन, एक महादेशबाट अर्को महादेशसम्म सहजै यात्रा गराउने विश्‍वासमा वैज्ञानिकहरूको देखिन्छ। </p>
<p>नेदरल्यान्ड्सको हार्ट हाइपरलुपले उत्तर हल्यान्ड प्रान्तीय सरकारसँगको सहकार्यमा यसको परीक्षण गर्ने घोषणा गरेको छ। त्यसबाट युरोपभर हाइपरलुप नेटवर्क तयार पार्न सहज हुने विश्‍वास कम्पनीको छ।</p>
<p>खासगरी, आम्स्टर्डमलाई युरोपका ठूला शहरहरूसँग जोडेर आर्थिक उपार्जनका लागि राम्रो माध्यम बनाउन सकिने कुरामा कम्पनीका अधिकारीहरू विश्‍वस्त देखिन्छन्।</p>
<p>हाइपरलुपले एक पटकमा २० हजार यात्री बोक्न सक्ने उनीहरूको दाबी छ। त्यतिधेरै यात्रीलाई बस, विमान र रेलभन्दा कम समयमै गन्तव्यमा पुर्‍याउने कम्पनीको योजना पूरा हुन भने केही समय लाग्‍नेछ।</p>
प्रतिक्रिया दिनुहोस्
.jpg)
