.jpg)
लकडाउनले रोकियो घण्टाघरको समय
<p>काठमाडौं।<br />
घण्टाको सुईः ११ मा</p>
<p>मिनेटको सुईः ४३ मिनेटमा</p>
<p>अर्थात ११ बजेर ४३ मिनेट।</p>
<p>यो समय बिहानको ५ बज्दा पनि यत्तिकै हुन्छ, अनि दिउँसोको १२ बज्दा पनि अगाडि बढ्दैन। त्रिचन्द कलेजसामुन्नेको घण्टाघरले यतिबेला सबैलाई झुक्याउँछ।</p>
<p>राजधानीको कोलाहलबीच घण्टाघरको घडीले साढे, सवा, पौने र घण्टाको जनाउ दिइरहन्थ्यो । यो घडी अहिले भने शान्त छ । यसका सूईहरु चल्न पाएका छैनन् । पेण्डुलम पनि थला परेको छ।</p>
<p>हाते घडी र मोवाइलको युगमा रमाइरहेको आजको पुस्तालाई घण्टाघरको घडीको उपयोगिता नै कति होला र ! तर, यो घडी आफैमा काठमाडौंको शान हो, एक सय बर्षभन्दा लामो इतिहास बोकेको।</p>
<p>राणा प्रधानमन्त्री वीरशमशेरले १८७५ सालमा बनाएको घण्टाघरले शुरुमा १२ बज्दा बाह्र पल्ट ‘टिङटिङ टिङटिङ’ गर्थ्यो। तर, पछिल्लो समय साढे, सवा, पौने र घण्टाको जनाउ दिइरहन्थ्यो। अहिले त्यो पनि रोकिएको छ।</p>
<p><img alt="" height="1707" src="https://www.dekhapadhi.com/storage/photos/shares/COVID-19/ghantagar (2).jpg" width="960" /></p>
<p>घण्टाघरको रेखदेख गणेश सापकोटाले तीन दशकदेखि गर्दै आएका छन्। लकडाउनले गर्दा सापकोटा घरमै ‘बन्दी’ बनेपछि घडीको पनि गति रोकिएको हो। यसअघि २०७२ सालको महाभूकम्पका बेला ६ दिन यो घडीमा समय रोकिएको थियो।</p>
<p>“लकडाउनका कारण म घरमै बन्दी छु। तर, तन, मन सबै त्यही घडीमा छ”, उनले भने, “लकडाउन लम्बिन्छ भन्ने ठानेको भए पहिले नै पासको बन्दोबस्त गर्थें, उतै बस्ने बन्दोबस्त मिलाउँथे। मन भतभति पोलिरहेको छ।” </p>
<p>३० फागुनमा काकाको निधन भएपछि उनी घर पुगेका थिए। काकाका सन्तान नभएकाले उनी किरिया बसे। त्यही बेला ११ चैतदेखि लकडाउन शुरु भयो।</p>
प्रतिक्रिया दिनुहोस्
.jpg)
