घर हिँडेकालाई मुख्यमन्त्री पोखरेलको आग्रह - 'सबै क्वारेन्टाइनमा बसिदिनुस्, खानेबस्ने व्यवस्था छ'
<p>रुपन्देही। प्रदेश ५ का मुख्यमन्त्री शंकर पोखरेलले लकडाउनका समयमा घर जान हिँडेका नागरिकलाई क्वारेन्टाइनमा बस्न आग्रह गरेका छन्।</p>
<p>आज सामाजिक सञ्जालमार्फत अपील गर्दै उनले कोरोना भाइरसको संक्रमणको जोखिम हुने भन्दै नजिकै रहेको क्वारेन्टाइनमा गएर बस्न अनुरोध गरेका हुन्।</p>
<p>“घर जान भनेर प्रदेश ५ भित्र आइपुग्नुभएका सबै प्रहरीको सहयोगमा नजिकै रहेको क्वारेन्टाइनमा गइदिनुहोला, त्यहाँ खानेबस्ने व्यवस्था छ ”, उनले लेखेका छन्।</p>
<p>लकडाउन लम्बिरहँदा मुलुकका विभिन्न ठाउँमा रहेका नागरिक पैदल हिँडेर आ-आफ्ना घरतर्फ जानेक्रम नरोकिएपछि मुख्यमन्त्री पोखरेलले यस्तो अनुरोध गरेका हुन्।</p>
<p>काठमाडौंलगायत विभिन्न ठाउँबाट हिँडेर दिनहुँ कैलाली, कञ्चनपुर, दाङ, बैतडी, सल्यान, रोल्पा र प्युठान जानेहरु रुपन्देहीका सडकमा देखिएका छन्। तीनमा अधिकांस मजदूर छन्।</p>
<p>३० चैतमा रुपन्देही आएकाहरुलाई सैनामैना नगरपालिकाले बसको व्यवस्था गरेर घर पठाएको थियो। उनीहरु लामो बाटो दिनरात पैदल हिँडेर यहाँ आएका थिए । <em>रासस</em></p>
प्रतिक्रिया दिनुहोस्
.jpg)
