Others

गृहपृष्ठ

कहाँ छन् संसारभरका हवाई जहाज ? लन्डन। संसारभर फैलिएको कोभिड-१९ को महामारीका कारण विश्&zwj;वको एक तिहाइ जनसंख्या लकडाउनमा छ। त्यससँगै ठूल-ठूला मल, सिटी सेन्टर, सडक, रेस्टुराँ, पार्क सबै खाली छन्। र, हवाई जहाजको उडानले भरिने व्यस्त आकाश पनि खाली देखिन्छ।   उडानहरू ट्रयाक गर्ने ‘फ्लाइट राडार’ वेबसाइटले गत मार्चमा उडानको रेकर्ड राखेको थियो। दैनिक करिब एक लाख ७५ हजारदेखि एक लाख ८० हजार उडान हुन्थे। एकसाथ औसतमा १० हजारदेखि १५ हजार उडान हुन्थे।  तर, मार्च अन्तिम साता दैनिक उडान संख्या ६४ हजार पाँच सय २२ मा झरेको थियो। सबैजसो हवाई जहाज टरमक अर्थात् विमानस्थलहरूका पार्किङमा छन्। दुबई, न्युयोर्कको जोन अफ केनेडी र लन्डनको हिथ्रोलगायत ठूला विमानस्थलका पार्किङमा छन्, धेरै विमान। यी विमानस्थल संसारका सबैभन्दा व्यस्त र उडान तथा अवतरणका लागि ट्रान्जिट विन्दु पनि मानिन्छन्। संसारका यस्ता थुप्रै ठूला विमानस्थल छन्, जहाँ उडान नभएर थन्किएका विमानहरू पार्किङ गरिएको छ। डेल्टा तथा साउथ वेस्ट एयरलाइन्सले तिनका ५० वटा विमानलाई अमेरिकाको क्यालिफोर्नियास्थित भिक्टरभिलमा राखेको छ, जसलाई ‘डेजर्ट बोनयार्ड’ पनि भनिन्छ। जहाज तथा सैन्य सामग्री राख्&zwj;न बनाएको विशाल क्षेत्र हो, बोनयार्ड। यस्तो क्षेत्र मरुभूमितुल्य नै हुन्छ, जहाँ कुनै पनि बस्तीको सम्भावना हुँदैन र सुक्खा रहन्छ। यस्तै, मराना, अरिजोना, बर्मिङ्&zwj;घम, अलाबामाका बोनयार्डमा पनि ८०-८० वटा जहाज पार्क गरिएको छ। अमेरिकाकै हस्टनमा ४० तथा तुल्सा र पिट्सबर्गमा पनि जहाज पार्क गरिएका छन्। युरोपमा भने धावनमार्गलाई नै पार्किङस्थल बनाइएको छ। अमेरिकामा जस्तो विशाल सुक्खा क्षेत्र युरोपमा कम भएकाले पनि बोनयार्डको विकल्प धावनमार्ग बनेका हुन्। र, विमानस्थल वरिपरिका खाली ठाउँ पनि विमानहरू थन्क्याउने स्थान बनेका छन्। सात सय ६३ वटा विमान भएको जर्मनीको लुफ्थान्सा एयरलाइन्सले पनि धावनमार्ग र वरिपरिका खाली ठाउँमा विमानहरू पार्किङ गरेको छ। यस्तै, बेलायतका करिब ४० वटा एयरवेजका जहाजहरू बर्नमाउथमा राखिएको छ। मौसमको अवस्था अनुसार जहाजहरूको विशेष हेरचाह पनि जरुरी हुन्छ। प्रयोगमा आउन समय लाग्ने कारण पनि जहाजका झ्याल र ढोकालाई छोप्&zwj;नुपर्छ।  यस्तै, लामो समय निष्&zwj;क्रिय रहँदा इन्जिन र अन्य भागलाई पनि विशेष हेरचाह आवश्&zwj;यक हुन्छ। सातामा एक पटक सबै जहाजको जाँच गर्नुपर्छ। खासमा, पुरानो भएका र मर्मत आवश्&zwj;यक रहेका जहाजहरूको मर्मत गर्न उपयुक्त समय हो यो। कोरोना भाइरसको अन्त्य कहिले हुन्छ र कहिले संसार फेरि चलायमान हुन्छ, यसको कुनै निश्&zwj;चितता छैन। यद्यपि, पार्किङमा रहेका यी जहाज जुनसुकै बेलामा पनि आवश्&zwj;यक पर्ने भएकाले यिनीहरूको विशेष ध्यान र मर्मत अत्यावश्&zwj;यक छ। बीबीसी डट कमबाट