उदयपुरमा १२ र चितवनमा २ नयाँ संक्रमित भेटिए, कोरोना संक्रमितको संख्या ३० पुग्यो
<p>काठमाडौं। नेपालमा आज एकैदिन १४ जना संक्रमित भेटिएका छन्।</p>
<p>स्वास्थ्य तथा जनसंख्या मन्त्रालयले आज एकै दिन उदयपुरमा १२ र चितवनमा २ गरेर १४ जना संक्रमित भेटिएको पुष्टि गरेको हो।</p>
<p>मन्त्रालयका विज्ञ सल्लाहाकार डा.खेम कार्कीले राष्ट्रिय जनस्वास्थ्य प्रयोगशालामा गरिएको परीक्षण रिपोर्ट पछि १४ जना थपिएको पुष्टि गरे।</p>
<p>योसँगै नेपालमा संक्रमितको संख्या ३० पुगेको छ।</p>
<p>अहिलेसम्म संक्रमितमध्ये एकजना मात्र निको भएर घर फर्केका छन्। बाँकीको ‍उपचार चलिरहेको छ। </p>
<p>कैलालीको धनगढीमा ५ जना, टेकुस्थित अस्पतालमा २ जना, पाटन अस्पतालमा २ जना, वीरगञ्जमा ४ जना र बाग्लुङमा २ जना संक्रमितको आइसोलेसनमा राखेर उपचार भइरहेको छ।</p>
प्रतिक्रिया दिनुहोस्
.jpg)
