भारतमा केन्द्रीय बैंकले ल्यायो ५० हजार करोड भारूको आर्थिक प्याकेज
<p>काठमाडौं। भारतको केन्द्रीय बैंक, रिजर्भ बैंक अफ इन्डिया (आरबीआई) ले ५० हजार करोड भारतीय रूपैयाँको आर्थिक तथा वित्तीय प्याकेज सार्वजनिक गरेको छ।</p>
<p>कोभिड-१९ को दुष्प्रभावबाट ग्रस्त भारतको वित्तीय क्षेत्रलाई राहत दिने गरी आज आरबीआईले आर्थिक तथा वित्तीय प्याकेज घोषणा गरेको हो।</p>
<p>राहत प्याकेज सार्वजनिक गर्दै आरबीआईका गभर्नर शक्तिकान्त दासले कोरोना दुष्प्रभावको कारण भारतीय अर्थतन्त्रमा ९.९ ट्रिलियन डलर बराबरको नोक्सान भएको अनुमान रहेको बताए।</p>
<p>आरबीआईले राष्ट्रिय कृषि तथा ग्रामीण विकास बैंक, नेशनल हाउजिङ बैंक र स्मल इण्डस्ट्री डेभलपमेन्ट बैंकलगायतका संस्थाका लागि ५० हजार करोड भारतीय रूपैयाँको रि-फाइनानान्सिङ दिने घोषणा गरेको छ।</p>
<p>जसअनुसार, राष्ट्रिय कृषि तथा ग्रामीण विकास बैंकलाई २५ हजार करोड, स्मल इन्डस्ट्री डेभलपमेन्ट बैकलाई १५ हजार करोड र नेसनल हाउजिङ बैकलाई १० हजार करोड भारतीय रूपैयाँ दिइने भएको छ।</p>
<p>आरबीआईले रिभर्स रिपो दर पनि ०.२५ प्रतिशतले घटाएको छ। भारतमा रिभर्स रिपो रेट घटेर ३.७५ प्रतिशतमा झरेको छ।</p>
प्रतिक्रिया दिनुहोस्
.jpg)
