सर्लाहीका एक बालकमा र्यापिड टेष्ट पोजिटिभ
<p>सर्लाही। सर्लाहीमा कोभिड-१९ परीक्षणको क्रममा र्‍यापिड डायग्नोष्टिक टेष्ट (आरडिटी) गर्दा एकजनामा पोजिटिभ देखिएको छ।</p>
<p>धनकौल गाउँपालिकाको क्वारेन्टाइनमा रहेका ६५ जनाको नमूना परीक्षण गर्दा एक १४ वर्षीय बालकको नतिजा पोजिटिभ आएको सर्लाहीका प्रमुख जिल्ला अधिकारी मोहनबहादुर जिसीले बताए।</p>
<p>बालकको थ्रोट स्वाब नमूना थप परीक्षणका लागि प्रादेशिक अस्पताल जनकपुरमा पठाइएको जिसीले जानकारी दिएका छन्।</p>
<p>ती बालक २३ चैतमा भारतको राजधानी दिल्लीबाट आफ्नो गाउँ धनकौल आएका थिए।</p>
<p>भारतबाट आएको जानकारी पाएलगत्तै सुरक्षाकर्मीले उनलाई घर नपुग्दै क्वारेन्टाइनमा राखिएको थियो । <em>रासस</em></p>
प्रतिक्रिया दिनुहोस्
.jpg)
