गायिका टेलर स्विफ्टका सन् २०२० का सबै कार्यक्रम रद्द
<p>वासिङ्टन। अमेरिकी गायिका तथा गीतकार टेलर स्विफ्टले सन् २०२० का आफ्ना सबै लाइभ प्रस्तुति रद्द गरेको घोषणा गरेकी छन्।</p>
<p>१७ अप्रिल राति ट्विट गर्दै उनले कोभिड-१९ को जोखिमका कारण वर्षभरिका सबै कार्यक्रम रद्द गरिएको जानकारी दिएकी हुन्।</p>
<p>‘यस वर्ष कुनै पनि कन्सर्टमा दर्शकहरूको साथमा हुन नपाउँदा दुःखी छु तर यो मेरो सही निर्णय हो,’ उनले लेखेकी छन्, ‘सबैजना स्वस्थ र सुरक्षित रहनुहोस्। जतिसक्दो चाँडो म तपाईंहरूकै साथमा हुनेछु। अहिलेलाई यो परिस्थितिको उपज हो।’</p>
<p>यसअघि तय भएका कन्सर्टहरू सन् २०२१ का लागि सारिएको र त्यसका लागि नयाँ टिकट वितरण गरिने उनले विज्ञप्तिमार्फत जनाएकी छन्।</p>
<p>जस्टिन बिबर, नायल होरान, ब्याड बन्नीलगायत गायक-गायिकाले यसअघि नै आफ्ना कन्सर्ट र टुरहरू स्थगित गरिसकेका छन्। </p>
<p>‘कोचेल्ला’लगायत ठूला सांगीतिक कार्यक्रमहरू स्थगित भएका छन्। न्युयोर्क, लसएन्जलसलगायत ठूला सहरका मेयरहरूले सन् २०२१ सम्मका लागि ठूला कार्यक्रमहरूमा प्रतिबन्ध लगाइएको घोषणा गरिसकेका छन्।</p>
प्रतिक्रिया दिनुहोस्
.jpg)
