धनगढीमा उपचाररत् कोरोना संक्रमित २१ वर्षीय युवकको दोस्रो रिपोर्ट नेगेटिभ
<p>कैलाली। सेती प्रादेशिक अस्पतालमा उपचाररत् पाँचजना कोरोना संक्रमितमध्ये एकजनाको दोस्रो नमूना परीक्षणको रिपोर्ट नेगेटिभ आएको छ।</p>
<p>सेती प्रादेशिक अस्पतालका प्रवक्ता डा. जगदिश जोशीले लम्कीचुहा नगरपालिकाका-२१ बर्षीय युवकको दोस्रो रिपोर्ट नेगेटिभ आएको देखापढीलाई बताए।</p>
<p>उनका अनुसार अहिले आइसोलेसनमै राखेर उपचार भइरहेको ती युवकको अर्को पटकको रिपोर्ट पनि नेगेटिभ आए मात्रै डिस्चार्ज गरिने छ।</p>
<p>त्यहीँ उपचार गराइरहेका अन्य चारजनाको भने थ्रोट स्वाबको दोश्रो नमूना परीक्षण गर्दा नतिजा पोजिटिभ देखिएको छ।</p>
<p>धनगढी उपमहानगरपालिका- ५ का ३४ बर्षीय युवक, उनकी ३४ बर्षीया भाउजु, कञ्चनपुरको बेदकोट नगरपालिकाका ४१ बर्षीय पुरुष र लम्की चुहा नगरपालिका-१ कि ५२ बर्षीया महिलाको कोभिड-१९ परीक्षण रिपोर्ट पुनः पोजिटिभ देखिएको हो।</p>
<p>धनगढी उपमहानगरपालिका- ५ का ३४ बर्षीय युवको तेस्रो रिपोर्ट यसअघि नै आईसकेकोमा अब चौथो पटकका लागि नमूना संकलन गरिने बताए।</p>
प्रतिक्रिया दिनुहोस्
.jpg)
