सीमामा रोकिएका नेपाली भन्छन्- ‘भारतको क्वारेन्टाइनमा साह्रै सकस भयो’
<p>कैलाली। बैतडीको पारिपट्टि भारततर्फ २२ दिनदेखि रोकिएका नेपाली नागरिकले छिटै घर पुग्‍ने व्यवस्था मिलाइदिन सरकारसँग माग गरेका छन्।</p>
<p>आफूहरूलाई नेपाल भित्रिन दिन सर्वोच्च अदालतले आदेश दिइसकेको सन्दर्भमा घर पुगेर परिवारसँग भेट्ने व्यवस्था मिलाउन उनीहरूले सरकारसँग माग गरेका हुन्।</p>
<p>भारतको क्‍वारेन्टाइनमा एउटै कोठामा ४० जना कोच्चिएर बस्‍नु परेको बझाङको बित्थडचिर गाउँपालिका ४ देउलेकका गम्बे धामीले बताए। सीमापारि भारतको झुलाघाटमा बैतडी, बझाङलगायत जिल्लाका करिब अढाइ सय नेपाली नागरिक रोकिएका छन्।</p>
<p>सीमा पार गर्न पाए आफ्नो देशको क्‍वारेन्टाइनमा महिनौं बस्‍न तयार रहेको उनीहरूको भनाइ छ। ‘भारतको क्‍वारेन्टाइनमा साह्रै सकस भयो,’ धामीले भने।</p>
<p>उनीहरूलाई नेपाल भित्रिन दिन सरकारको आदेश कुरेर बसेको बैतडीका प्रमुख जिल्ला अधिकारी आनन्द पौडेलले बताए।</p>
प्रतिक्रिया दिनुहोस्
.jpg)
