कलंकी–नौविसे सडकमा एकतर्फी सवारी सञ्चालन
<p>काठमाडौं। कलंकी–थानकोट र नागढुंगा–नौविसे सडकखण्ड मर्मत कार्य भइरहेकाले सो क्षेत्रमा एकतर्फी सवारी सञ्चालन भइरहेको छ।</p>
<p>महानगरीय ट्राफिक प्रहरी महाशाखाले विज्ञप्ति निकालेर सडक विभागद्वारा सडक मर्मत कार्य भइरहेकाले सडक एकतर्फी मात्र सञ्चालन हुने भएकाले ट्राफिक व्यवस्थापनमा सहयोग गर्न आग्रह गरेको हो।</p>
<p>सडक मर्मतका कारण कलंकी–थानकोट सडक खण्डमा बिहान ९ बजेदेखि दिउँसो १ बजेसम्म मर्मतको समय तोकिएको छ। त्यस्तै दिउँसो १ बजेदेखि नागढुंगा–नौविसे सडक मर्मत भइरहेको छ।</p>
<p>ट्राफिक प्रहरी महाशाखाले सो सडक खण्डमा जथाभावी ओभरटेक नगरि लेन अनुशासन पालना गर्न सार्वजनिक आव्हान गरिएको महाशाखाका सह–प्रवक्ता डीएसपी पदमबहादुर विष्टले बताए। <br />
</p>
प्रतिक्रिया दिनुहोस्
.jpg)
