कैलालीमा सशस्त्र प्रहरीलाई फिल्टर र पीपीई
<p>कैलाली। रोटरी क्लब अफ धनगढीले सीमामा खटिएका सशस्त्र प्रहरीका लागि फिल्टर र पीपीई सेट सहयोग गरेको छ।</p>
<p>क्लबका स‌ंस्थापक अध्यक्ष प्रकाशचन्द्र भट्ट र वर्तमान अध्यक्ष हरिशंकर ठाकुरले सशस्त्र प्रहरी बल नेपाल नम्बर ३४ गण हेडक्वार्टर धनगढी कैलालीका प्रमुख सशस्त्र प्रहरी उपरीक्षक कमल तिमिल्सिनालाई २० थान पानी सफा गर्ने फिल्टर र ५० थान पीपीई हस्तान्तरण गरेका हुन्।</p>
<p>सीमामा अहोरात्र खटिने सशस्त्र प्रहरीलाई शुद्ध पानी पिउन र ड्युटीमा खटिने सशस्त्र प्रहरीकाे सुरक्षाका लागि भन्दै उक्त सामाग्री हस्तान्तरण गरेको क्लबका अध्यक्ष ठाकुरले बताए।</p>
<p>कैलालीको १०१ किलोमिटर खुला सीमामा हुन सक्ने अवैध कारोबार र घुसपैठलाई मध्यनजर गर्दै पूरै नाका सिल गरिएकाे छ।</p>
प्रतिक्रिया दिनुहोस्
.jpg)
