मुख्यमन्त्रीले नै गरे चामल दिएर फोटो सेसन !
<p>कैलाली। भनिन्छ संकटको बेलाको सहयोग अतुलनीय हुन्छ। तर, संकटको बेला सहयोग गर्‍यौं भनेर मिडियामा छाउनलाई गर्ने अनि गर्नुपर्ने काम चाहिँ नगर्ने।</p>
<p>हो, त्यस्तै भएको छ, सुदूरपश्चिम प्रदेशमा। त्यो पनि प्रदेश सरकारबाटै।</p>
<p>देश लकडाउन भएपछि गरीब र असहायको सेवामा समर्पित यहाँका केही संस्थालाई गत २१ चैतमा प्रदेश सरकारका स्वयम् मुख्यमन्त्री त्रिलोचन भट्ट साथमा आन्तरिक मामिला तथा कानून मन्त्री प्रकाश शाह, सामाजिक विकास मन्त्री कृष्णराज सुवेदी र कृषिमन्त्री विनिता चौधरी चारैजनाले खाद्यान्न हस्तान्तरण गरेको भन्दै फोटो सेसन नै गराए।</p>
<p>२१ चैतमा सुदूरपश्चिम प्रदेश सरकारले धनगढीको दृष्टि फाउण्डेसन र मानव सेवा आश्रमलाई खाद्यान्न वितरण गरेको भन्दै सञ्चारमाध्यमलाई जानकारीसमेत गराइयो। तर, ती खाद्य सामग्री सम्बन्धित ठाउँमा अझै पुग्न सकेको छैन।</p>
<p>उक्त दिन मुख्यममन्त्री त्रिलोचन भट्टका स्वकीय सचिव शिव ओलीले दुवै संस्थालाई चामल, दाल, नुन र तेल गरी एक सय पेटीका दरले खाद्यान्न वितरण गरिएको भन्दै सामाजिक सञ्जालमा समेत उल्लेख गरेका थिए। तर, प्रदेश सरकारले जानकारी दिएको १६ दिन पुगिसक्दासम्म दृष्टि फाउण्डेसन र मानव सेवा आश्रमले राहत पाएका छैनन्।</p>
<p>सोही दिन दिउँसाे ३ बजे सम्बन्धित संस्थामा राहत पुर्‍याउने भनिए पनि अहिलेसम्म राहत नपाएको दुवै संस्थाले जनाएका छन्।</p>
प्रतिक्रिया दिनुहोस्
.jpg)
