बागलुङकी ६५ वर्षीया वृद्धाले जितिन् कोरोनालाई, डिस्चार्ज गर्ने तयारी
<p>काठमाडौं। बागलुङकी ६५ वर्षीया महिला कोरोना भाइरसको संक्रमणबाट मुक्त भएकी छन्।</p>
<p>नेपालमा छैटौँ केसका रूपमा संक्रमण देखिएकी बागलुङ नगरपालिका–३ गौडाकोटकी ६५ वर्षीया महिलाको तेस्रो र चौथोपटकको रिपोर्ट नेगेटिभ आएको हो।</p>
<p>उनलाई डिस्चार्ज गर्ने तयारी भइरहेको धौलागिरि अञ्चल अस्पताल बागलुङका मेडिकल सुपरिटेन्डेन्ट डा. शैलेन्द्र वि पोखरेलले बताए। </p>
<p>आज राष्ट्रिय जनस्वास्थ्य प्रयोगशाला टेकुमा गरिएको अन्तिम परीक्षण रिपोर्ट नेगेटिभ आएको बागलुङ नगरपालिकाका मेयर जनकराज पौडेलले बताए।</p>
<p>“पहिलो रिपोर्ट नेगेटिभ आएको २४ घण्टापछि उनको दोस्रो परीक्षण गरिएको थियो”, उनले भने, “त्यो रिपोर्ट पनि नेगेटिभ आएको छ।”</p>
<p>मेयर पौडेलले महिलाको घर अस्पताल नजिकै रहकाले आजै डिस्चार्ज गर्न लागिएको जानकारी दिए।</p>
<p>धौलागिरि अञ्चल अस्पतालका मेडिकल सुपरिटेन्डेन्ट डा. पोखरेलका अनुसार पनि सकेसम्म आजै नभए भोलि ती महिलालाई घर पठाउइनेछ।</p>
<p>४ चैतमा बेल्जियमबाट कतार हुँदै कतार एअरको क्यूआर ६५२ को फ्लाइटबाट उनी नेपाल आएकी थिइन्। उनीसँगै आएकी बागलुङ ३ कै १९ वर्षीय युवतीमा कोरोना संक्रमण देखिएपछि ६५ वर्षीया महिलामा देखिएको थियो।</p>
<p>युवतीको भने परीक्षणको रिपोर्ट अझै नेगेटिभ आइसकेको छैन। बागलुङ पुगेकी उनलाई १७ चैतमा गते कोरोना सङ्क्रमण भएको पुष्टि भएपछि धौलागिरि अञ्चल अस्पतालको आइसोलेसनमा भर्ना गरी उपचार भइरहेको थियो । </p>
<p>अस्पतालबाट डिस्चार्ज भएकपछि ती महिलालाई अझै केही समय घरकै क्वारेन्टाइनमा बस्नुपर्ने चिकित्सकहरूले बताएका छन् । </p>
<p>यसअघि <a href="https://www.dekhapadhi.com/news/10779"><span style="color:#c0392b;">आज मात्रै संक्रमित दोस्रो १९ वर्षीया युवती प्रसिद्धि श्रेष्ठलाई डिस्चार्ज</span></a> गरिएको थियो। उनी पनि ४ चैतमा बेल्जियमबाट फ्रान्स हुँदै कतार एअरकै क्यूआर ६५२ को विमानमा आएकी थिइन्। </p>
<p>नेपालमा पहिलोटक कोरोना भाइरस संक्रमण देखिएका युवा पनि डिस्चार्ज भइसकेका छन्। </p>
<p>कोभिड-१९ परीक्षणमा दुईपटक रिपोर्ट नेगेटिभ आएपछि डिस्चार्ज गर्ने गरिन्छ। </p>
प्रतिक्रिया दिनुहोस्
.jpg)
