बैतडीमा खाद्यान्नकाे पासले मदिरा बाेक्ने ट्रक नियन्त्रणमा
<p>कैलाली। बैतडीको मेलौली नगरपालिकामा मदिरासहित ट्रकलाई प्रहरीले नियन्त्रणमा लिएको छ।</p>
<p>धनगढीबाट बैतडीको मेलौलीतर्फ जाँदै गरेको से १ ख १५४९ नम्बरको ट्रक र सो ट्रकमा रहेको ४३ पेटी मदिरा नियन्त्रणमा लिइएको बैतडी प्रहरीले जनाएकाे छ।</p>
<p>प्रहरीका अनुसार चामलको बोरामुनि मदिराको पेटी लुकाएकाे अवस्थामा फेला परेकाे हाे।</p>
<p>४ देखि ८ वैशाखसम्मका लागि खाद्यान्न ढुवानी गर्ने भन्दै साे ट्रककाे मेलाैली नगरपालिकाबाट पास लिएकाे देखिएकाे छ।</p>
<p>पासकाे दुरूपयाेग गर्दै मदिरा ओसारपसार गरेको पाइएपछि नियन्त्रणमा लिइएकाे जिल्ला प्रहरी कार्यालय बैतडीका प्रमुख प्रहरी नायव उपरीक्षक डिल्लीनारायण पाण्डेयले बताए। थप अनुसन्धान भइरहेको उनकाे भनाइ छ।</p>
<p> </p>
प्रतिक्रिया दिनुहोस्
.jpg)
