नेपालमा रहेकी नायिका लिन भुटानले पठायो चार्टर्ड विमान, ८० दिनपछि फर्किइन् उगेन
<p style="text-align:justify">उगेनले अभिनेता दयाहाङ राईको जोडी बनेकी छिन् ।</p>
<p style="text-align:justify">काठमाडौं। भुटानी अभिनेत्री उगेन छोदेन स्वदेश फर्किएकी छन्।</p>
<p style="text-align:justify">चलचित्र ‘२ नम्बरी’मा अभिनय गर्न नेपाल आएकी उनी ८० दिन नेपाल बसेर स्वदेश फर्किएकी हुन्।</p>
<p style="text-align:justify">लकडाउनका कारण नेपालमै रहेकी उगेन चार्टर्ड फ्लाइटमार्फत् आफ्नो देश फर्किएकी हुन्।</p>
<p style="text-align:justify">उगेनलाई लिन आज बिहान भुटानबाट सरकारी विमानसेवा ड्रुक एअरको एटीआर विमान काठमाडौंको त्रिभुवन अन्तर्राष्ट्रिय विमानस्थल आएको थियो।</p>
<p style="text-align:center"><img alt="" height="1280" src="https://www.dekhapadhi.com/storage/photos/shares/Entertainment/Bhutani-Heroin-1.jpg" width="960" /></p>
<p style="text-align:justify">विमान काठमाडौंबाट उगेन र अर्का एकजना भुटानी नागरिक लिएर फर्किएको थियो ।</p>
<p style="text-align:justify">‘२ नम्बरी’ चलचित्रका निर्देशक दिपेन्द्र लामाका अनुसार भुटान फर्किएकी उनी पारोको ओलाथाङ होटेलमा २१ दिन क्वारेन्टाइनमा बस्नेछिन्।</p>
<p style="text-align:justify">त्यसपछि उनी थिम्पु प्रस्थान गर्नेछिन्। स्थिति सामान्य भएपछि बाँकी छायांकन पूरा गर्न उनी फेरि नेपाल आउने निर्देशक लामाले बताए।</p>
<p style="text-align:justify">चलचित्र ‘२ नम्बरी’मा उगेनले दयाहाङ राईसँग जोडी बाँधेकी छन्। चलचित्रमा पल शाह र वर्षा राउतको पनि भूमिका छ।</p>
.jpg)
