एसिड आक्रमणमा परेकी मुस्कानलाई भेट्न अस्पताल पुगे पारस र पटवाल
<p>काठमाडौं। हिजो मात्रै राष्ट्रिय क्रिकेट टोलीको कप्तानबाट राजीनामा घोषणा गरेका पारस खड्का आज एसिड आक्रमणमा परेकी मुस्कान खातुनलाई भेट्न अस्पताल पुगेका छन्।</p>
<p>पारस सहित नेपाली क्रिकेट टोलीका प्रशिक्षक उमेश पटवाल पनि मुस्कानलाई भेट्न कीर्तिपुर अस्पताल पुगे। त्यसैगरी क्रिकेटरहरू सोमपाल कामी, अविनाश बोहरालगायतले पनि मुस्कानलाई भेटेका छन्।</p>
<p>१५ वर्षीया मुस्कानलाई एक महिनाअघि वीरगन्जमा दुई युवाले एसिड प्रहार गरेका थिए।</p>
<p>उनको अहिले कीर्तिपुर अस्पतालमा उपचार भइरहेको छ।</p>
<p>मुस्कानलाई भेटेपछि पारसले उनी सबैको लागि प्रेरणाको स्रोत भएको बताएका छन् । सामाजिक सञ्जालमा भेटको तस्वीर राख्दै पारसले यो घटनामा संलग्न व्यक्तिलाई सरकारले कडा कारबाही गर्नुपर्ने उल्लेख गरेका छन्।</p>
<p style="text-align:center"><img alt="" height="551" src="https://www.dekhapadhi.com/storage/photos/shares/Sports/Muskan_paras.png" width="473" /></p>
<p> </p>
प्रतिक्रिया दिनुहोस्
.jpg)
