.JPG)
काठमाडौंबाट पैदल हेटौंडा पुगेका १५ मजदूरलाई घर पठाइयो
<p>हेटौंडा। काठमाडौंबाट पैदल आएका मजदूरहरुलाई भिमफेदी गाउँपालीकाबाट गन्तव्यतर्फ पठाईएको छ।</p>
<p>बागमती प्रदेशका मुख्यमन्त्री डोरमणी पौडेलले भिमफेदी गाउँपालिका र हरीवन नगरपालिकासँग समन्वय गरी उनीहरूलाई गन्तव्यमा पठाईएको हो।</p>
<p>काठमाडौको विभिन्न स्थानमा मजदुरी गर्ने मकवानपुरको कैलाश गाउँपालिका र सर्लाहीको हरीवनका पैदल यात्रुहरूलाई घर जान गाउँपालिकाले यातायातको व्यवस्था गरेको हो।</p>
<p>मकवानपुरको कैलाश गाउँपालिकाका १० जना चेपाङ मजदूर भिमफेदी गाउँपालिकाले व्यवस्था गरेको गाडीमा चढेर घर गएका छन्।</p>
<p><img alt="" height="640" src="https://www.dekhapadhi.com/storage/photos/shares/COVID-19/hetauda majdoor resque (1).JPG" width="960" /></p>
<p>सर्लाही जाने ५ जनाको टोलीलाई गाउँपालिका अध्यक्ष हिदम लामाले आफ्नो गाडीमा राखेर पथलैया लगे।</p>
<p>सर्लाहीको हरीवन नगरपालिकाका मेयर गणेश प्रसाइसँग समन्वय गरेपछि हरीवनबाट उनीहरूलाई लिन लागि गाडी आएको लामाले जानकारी दिए।</p>
<p>लकडाउनका कारण दैनिक गुजारा गर्न समस्या भएकोले आफूहरू घर हिँडेको उनीहरूले बताएका छन्।</p>
<p>हिजो, ६ वैशाख बिहान ५ बजे काठमाडौंबाट हिँडेर उनीहरू अपरान्ह करीब ४ बजे भिमफेदी आईपुगेका थिए।</p>
प्रतिक्रिया दिनुहोस्
.jpg)
