प्रदेश १ः संक्रमितको संख्या १३ पुग्यो, १८९७ जनाको नमूना परीक्षण
<p>विराटनगर। प्रदेश १ मा एक हजार ८९७ जनाको कोभिड–१९ परीक्षण गरिएको छ। यो संख्या आरडीटी र पीसीआर दुवै प्रविधिबाट गरिएको नमूना परीक्षणको हो।</p>
<p>सबैभन्दा बढी आरडिटी विधिबाट एक हजार ५२६ जनाको नमूना परीक्षण भएको छ। पीसीआर विधिबाट गरिएका कूल ३७१ परीक्षणमध्ये १३ जनाको नतिजा पोजिटिभ देखिएको छ।</p>
<p>उनीहरू सबै उदयपुरको त्रियुगा नगरपालिका– ३ भुल्केस्थित मस्जिदमा बस्दै आएकारू हुन ।</p>
<p>संक्रमितमध्ये १२ भारतीय नागरिक र एकजना नेपाली रहेको मुख्यमन्त्री कार्यालय कोरोना सूचना डेस्कले जनाएको छ।</p>
<p>१३ जनाको कोशी अस्पतालको आइसोलेसनमा उपचार भइरहेको छ।</p>
<p>आरडीटी विधिबाट जम्मा २१० महिला र एक हजार ३१६ जनाको परीक्षण भएको छ ।</p>
<p>पीसीआर विधिबाट भने ६८ महिला र ३०३ जना पुरुषको परीक्षण भएको छ।</p>
<p>यता, प्रदेश सरकारले निर्माण गरेका क्वारेन्टाइन स्थलमा बस्नेको संख्या हिजो, वैशाखसम्म ६०६ जना पुगेको छ । २० जना क्वारेन्टाइन अवधि सकेर निस्किएका छन्।</p>
<p>स्वास्थ्यकर्मीको निगरानीमा आइसोलेसनमा ५ महिला र १७ पुरुषसहित २२ जना छन् ।</p>
<p>होम क्वारेन्टाइनमा चार हजार ४९ जना बसिरहेका छन्। </p>
प्रतिक्रिया दिनुहोस्
.jpg)
