बोइङ-७३७ मार्फत चीनबाट अमेरिका पुर्याइयो स्वास्थ्य सामग्री
<p>सानफ्रान्सिस्को। चीनले पहिलो पटक कोभिड-१९ विरुद्धका स्वास्थ्य सामग्रीहरू अमेरिका निर्यात गरेको छ। शनिबार पहिलो ‘कोभिड-१९ ट्रान्सपोर्ट मिसन’ पूरा भएको हो।</p>
<p>समाचार एजेन्सी सिन्हवाका अनुसार बोइङ ७३७-७०० विमानमार्फत अत्यावश्यक सामग्री चीनबाट अमेरिका पुर्‍याइएको हो।</p>
<p>अधिकारीहरूका अनुसार पाँच लाख ४० हजार थान मेडिकल-ग्रेड फेस मास्क हवाई मार्गमार्फत ढुवानी गरिएको हो। ती फेस मास्क कोभिड-१९ विरुद्धको उपचारमा निरन्तर खटिरहेका न्यु ह्याम्पसायरका स्वास्थ्यकर्मीहरूलाई वितरण गरिने छ।</p>
<p>डिन कामेन नामक मास्क उत्पादक कम्पनीले ती स्वास्थ्य सामग्री बनाएको हो। उक्त कम्पनीले डेका रिसर्च एन्ड डेभेलपमेन्ट कर्पोरेसनसँग सहकार्य गर्दै आएको छ। </p>
<p>अमेरिकी हवाई जहाज निर्माता कम्पनी बोइङले कोभिड-१९ विरुद्धको लडाईंमा स्थानीय समुदायलाई सहायता गर्दै आएको छ।</p>
प्रतिक्रिया दिनुहोस्
.jpg)
