बेलायतमा एक महीनामा ३३ नेपालीको मृत्यु, कोभिड-१९ बाट मात्र १६ जनाको ज्यान गयो
<p>लण्डन। बेलायतमा एक महीनामा ३३ जना नेपालीको मृत्यु भएको छ। उनीहरूमध्ये कोभिड-१९ बाट १६ जनाको मृत्यु भएको छ।</p>
<p>बेलायतको नेपाली अनलाइन <a href="https://www.wenepali.com/2020/04/68363.html" target="_blank">वीनेपाली</a>डटकमका अनुसार १५ मार्चदेखि १७ अप्रिलको अवधिमा मृत्यु हुनेहरूमा ७०-७९ वर्ष उमेर समूहका धेरै १० जना छन्।</p>
<p>त्यस्तै ८० देखि ८९ वर्ष उमेरका नौजनाको मृत्यु भएको छ। ६० देखि ६९ वर्ष उमेरका ज्यान गुमाउनेको संख्या तीन जना र ५०-५९ वर्ष उमेरका ६ जना छन्।</p>
<p>५० वर्षमुनिका २ जना र ९० वर्षमाथिका १ जनाको मृत्यु भएको छ।</p>
<p>यो अवधिमा मृत्यु भएकामध्ये २६ जना पुरुष र ७ जना महिला छन्।</p>
<p>मृत्यु भएका २८ जना भूतपूर्व गोर्खा सैनिक छन्।</p>
<p>मृत्युहुने नेपालीहरुमध्ये लण्डनभित्र १६ जना छन्।</p>
<p>रेडिङमा ४, ननिटनमा २, नट्टिघममा २, ह्याम्पसायरमा ४, लिभरपुलमा १, क्यान्टबरीमा १, स्वीण्डनमा १ जनाको मृत्यु भएको छ।</p>
.jpg)
