यूएईमा फेक न्युजलाई ५५ सय डलर जरिवाना
<p>अबुधाबी। कोभिड-१९ बारे फैलिने अफवाह नियन्त्रण गर्न संयुक्त अरब इमिरेट्स (यूएई)ले कडा नियम ल्याएको छ।</p>
<p>अलजजिराका अनुसार कोरोना भाइरस संक्रमणको समाचार सामाजिक सञ्‍जालमा सेयर गर्दा सरकारी विज्ञप्तिभन्दा फरक परेमा ५५ सय अमेरिकी डलर जरिवाना तिर्नुपर्नेछ।</p>
<p>उक्त रकम यूएईको मुद्रामा २० हजार दिराम हो। उक्त निर्णयबाट स्वास्थ्य मन्त्रालयलगायत सरकारी स्वास्थ्य निकायहरूलाई जिम्मेवार बनाउने र तथ्यपूर्ण जानकारी सार्वजनिक हुने विश्‍वास लिइएको छ।</p>
<p>‘सरकारी निकायले आधिकारिक घोषणा नगरी कुनै चिकित्सकीय सूचना या मार्गनिर्देशनको प्रकाशन, पुनर्प्रकाशन या प्रसारण गर्नु गलत हो,’ सरकारी समाचार एजेन्सी डब्लूएएमले सरकारी निर्देशनलाई उद्धृत गर्दै लेखेको छ, ‘त्यस्ता सामग्री छापा, अनलाइन न्युजपोर्टल, सामाजिक सञ्‍जाल, रेडियो र टेलिभिजनमा प्रकाशन-प्रसारण गर्न निषेध गरिएको छ।’</p>
<p>शनिबार गल्फ अरब राज्यमा कोभिड-१९ बाट ३७ जनाको मृत्यु र ६ हजार तीन सयजना संक्रमित भएको गलत समाचार सार्वजनिक भएपछि सरकारले उक्त कदम चालेको हो। सरकारले यो नियम हरेक व्यक्तिमा लागू हुने बताएको छ, जसमा पत्रकार, सञ्‍चारकर्मीलगायत कुनै विशेष शब्द उल्लेख गरिएको छैन।</p>
प्रतिक्रिया दिनुहोस्
.jpg)
