स्वास्थ्यकर्मीको सम्मानमा विश्वका एक सय कलाकारले गरे अनलाइन कन्सर्ट
<p>काठमाडौं। कोभिड-१९ महामारीविरुद्धको अग्रमोर्चामा खटिएका स्वास्थ्यकर्मीको सम्मानमा विश्वका चर्चित कलाकारले अनलाइन कन्सर्ट गरेका छन्।</p>
<p>‘वान वर्ल्ड-टुगेदर एट होम’ नाम दिइएको कन्सर्टमा लेडी गागा, विल्ली इलिस, इल्टोन जोहन, रीता ओरा, भारतीय गायक विशाल मिश्रा लगायतका १०० कलाकारले घरबाटै अनलाइन प्रस्तुती दिएका थिए। </p>
<p>अनलाइन कन्सर्टको उद्देश्य विश्व स्वास्थ्य संगठनलाई आर्थिक सहयोग गर्ने थियो।</p>
<p>यसको प्रत्यक्ष प्रसारण अमेजन प्राइम भिडिओ, फेसबुक, ट्वीटर, इन्स्टाग्राम, ट्युनइन, ट्वीच र यूट्युब लगायतबाट गरिएको थियो।</p>
<p>ग्लोबल सिटिजन र विश्व स्वास्थ्य संगठनले गायिका लेडी गागासँग मिलेर अनलाइन कन्सर्ट आयोजना गरेका थिए। उक्त कन्सर्ट आठ घण्टासम्म चलेको थियो ।</p>
<p>कार्यक्रम पैसा जम्मा गर्नका लागि मात्र नभई स्वास्थ्यकर्मीहरुको सम्मानका लागि आयोजना गरिएको गायिका लेडीले बताईन्। </p>
<p>यस्तो महामारीका बेला अमेरिकाले आर्थिक सहयोग रोकेको विषयमा प्रश्न उठाउँदै लेडीले भविष्यमा हुनसक्ने स्वास्थ्य संकटबाट जोगिनका लागि विश्व स्वास्थ्य संगठनलाई बलियो बनाउन अति आवश्यक रहेको बताएकी छिन्।</p>
प्रतिक्रिया दिनुहोस्
.jpg)
