कोभिड-१९ का बिरामी भेटिएको भन्दै फेसबुकमा हल्ला फैलाउने पक्राउ
<p>इलाम। कोरोना भाइरस सङ्क्रमित फेला परेको भन्दै सामाजिक सञ्चालमा पोष्ट गर्ने एक युवकलाई पक्राउ गरिएको छ।</p>
<p>इलामको फाकफोकथुम गाउँपालिका-७ का २४ वर्षीय सन्दीप लिम्बूलाई प्रहरीले हिजो, ६ वैशाखमा पक्राउ गरेको हो ।</p>
<p>'इलाम नगरपालिका-५ बरबोटेमा कोरोना भाइरसका सङ्क्रमित फेला परेको' भन्दै लिम्बूले सामाजिक सञ्जालमा पोष्ट गरेर अफवाह फैलाएको जिल्ला प्रहरी कार्यालयका प्रवक्ता हेमन्त भण्डारी क्षेत्रीले बताए।</p>
<p>दुई दिनअघि उनले गलत सूचना सामाजिक सञ्जालमा पोष्ट गरेका कारण स्थानीयवासी त्रसित बनेका छन्। </p>
<p>सोही कारण लिम्बूलाई शनिबार जिल्ला प्रहरी कार्यालय इलामले नियन्त्रण लिई सोधपुछ गरिरहेको बताइएको छ। <em>रासस</em></p>
प्रतिक्रिया दिनुहोस्
.jpg)
