Others

गृहपृष्ठ

प्रहरीले दुःख दिएको र मौज्दात सकिएको भन्दै खुद्रा व्यापारीले खोल्नै छाडे किराना पसल काठमाडौं। लकडाउन लम्बिदै जाँदा खुद्रा व्यापारीले दैनिक उपभोग्य वस्तु बिक्री गर्ने किराना पसल खोल्न छाडेका छन्। यसअघि पसल खोल्दै आएका व्यापारीले पछिल्लो समय बन्द गर्न थालेका हुन्। पसल खोल्दा प्रहरीले दुःख दिन थालेको, वाणिज्य विभागले बजार अनुगमन गरिरहेको कारण देखाएर व्यापारीहरूले पसल बन्द गर्न थालेका छन्। उद्योग, वाणिज्य तथा आपूर्ति मन्त्रालयले देशभरका खाद्यान्&zwj;न पसल र स्टोर सञ्&zwj;चालन गर्ने नीति लिएको छ। तर, गृह मन्त्रालयको निर्देशनमा चल्ने प्रहरी प्रशासनले भने दैनिक उपभोग्य वस्तु बिक्री हुने पसल बन्द गराउँदै हिँडेका छन्। असनमा किराना पसल सञ्&zwj;चालन गर्दै आएका डिल्लिबजारका महेश श्रेष्&zwj;ठले पसल जाँदा-आउँदा हरेक दिन प्रहरीले दुःख दिने गरेकाले बन्द गरेको बताए।  “डिल्लिबजारबाट असन पुग्दासम्म प्रहरीले पुतलीसडक चोक, बागबजार र रत्&zwj;नपार्क गरी तीन ठाउँमा रोक्छ। पसलमा भएको सामान पनि सकिन थालेको छ,” श्रेष्&zwj;ठले भने। त्यसैगरी, बागबजारमा बसेर घट्टेकुलोमा पसल चलाउँदै आएकी नुवाकोटकी रविना कार्की पनि पसल नखोल्ने बताउँछिन्। “बल्लतल्ल पसलसम्म पुगेर खोले पनि केही समयमै प्रहरी आएर बन्द गराउँछ। जानेआउने दुःख मात्रै हुन्छ,” कार्कीले भनिन्। <div style="text-align:center"> <figure class="image" style="display:inline-block"><img alt="" height="500" src="https://www.dekhapadhi.com/storage/photos/shares/Economy/Khudra Pasal 01.jpg" width="750" /> <figcaption>काठमाडौं नरदेवीमा साँझपख एक खुद्रा पसलमा सामान किन्न लामबद्ध स्थानीय बासिन्दा ।</figcaption> </figure> </div> अधिकांश किराना पसलमा मौज्दात सकिँदै गएकाले पनि बन्द हुन थालेको खुद्रा व्यापार संघका अध्यक्ष राजकुमार श्रेष्&zwj;ठले बताए। उनले भने, “लकडाउनअघि थोक व्यापारीले खुद्रा व्यापारीको पसलसम्म आफैं डेलिभरी गर्दिन्थे। अहिले थोक व्यापारीले ढुवानीमा देखाउँदै पसलसम्म डेलिभरी गर्न छाडेका छन्। त्यसो हुँदा पसलहरू रित्तिन थालेका छन्,” श्रेष्&zwj;ठले भने।  त्यसैगरी, थोक व्यापारीले खाद्य वस्तुमा बढी मूल्य लिने र बिल नदिने कारण बढेको मूल्यमा सामान बिक्री गर्दा झन् समस्या हुने उनले बताए। “आफूले तिरेर ल्याएको मूल्यमा सामान बेच्नै पर्&zwj;यो। तर, बढेको मूल्यको बिल नहुँदा प्रमाण देखाउन सकिँदैन। बिल देखाउन नसकेपछि वाणिज्य विभागले मूल्यवृद्धी गरेको आरोपमा कार्वाही गर्छ,” खुद्रा व्यापार संघका पूर्वअध्यक्ष  पबित्र बज्राचार्यले भने, “त्यसैले, सबै व्यापारीले पसल बन्द गर्न थालेका छन्।” सबैतिरबाट घेराबन्दीमा पर्न थालेपछि आफ्ना सदस्यहरूलाई पसल खोल्न आग्रह गर्ने अवस्था नरहेको उनले बताए। वाणिज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले भने व्यापारीलाई पसल खोल्न सहजीकरण गरिरहेको दाबी गर्छन्। “लकडाउनमा पसल सञ्&zwj;चालन गर्न सहज होस् भनेर झन्डै ६०० वटा पासको व्यवस्था गरिदिएका छौं,” उनले भने।