भारतसँग सीमा जोडिएका नाकामा सीसीटीभी जोड्दै प्रदेश २ सरकार
<p>धनुषा। प्रदेश २ सरकारले नेपाल-भारत सीमानाकामा सीसीटीभी क्यामेरा जडान गर्ने भएको छ।</p>
<p>लकडाउनमा नाका बन्द गरिएको बेला पनि आवागमन नरोकिएपछि प्रदेश सरकारले आठै जिल्लाका भारतसँग जोडिएका नाकाहरूमा सीसीटीभी जडान गर्न लागेको हो ।</p>
<p>प्रदेश सरकारका आन्तरिक मामिला तथा कानून राज्यमन्त्री सरोजसिंह कुशवाहाले भने, “क्यामेरा जडानका लागि करीब पाँच करोड खर्च हुनेछ । सीमामा कडा निगरानीका लागि यो कदम उठाउन लागिएको हो ।”</p>
<p>खुल्ला सीमाका कारण भारतबाट रातिराति लुकीछिपी नेपाल छिर्ने गरेकोले कोरोना भाइरस संक्रमणको जोखिम बढेकोले क्यामेरा जडानलाई विकल्पका रूपमा अघि सारिएको उनले बताए।</p>
<p>यस्तै, सीमानाकामा निगरानी बढाउनका लागि सुरक्षाकर्मीलाई १०० साइकल दिने तयारीमा समेत प्रदेश सरकार जुटेको मन्त्री कुशवाहाले जानकारी दिए। <em>रासस</em></p>
प्रतिक्रिया दिनुहोस्
.jpg)
