साझा पार्टीको सहप्रवक्तामा शरदराज पाठक नियुक्त
<p>काठमाडौं। साझा पार्टीले केन्द्रीय सदस्य शरदराज पाठकलाई सहप्रवक्ता नियुक्त गरेको छ।</p>
<p>उनले प्रवक्ता डा. सूर्यराज आचार्यलाई सहयोग गर्ने साझाले जनाएको छ।</p>
<p>ग्रामीण विकासमा स्‍नातकोत्तर गरेका पाठकसँग यसअघि अष्ट्रेलियाको नेपालीपत्रको संस्थापक सम्पादक, कालिका एफएम तथा रेडियो अन्नपूर्ण नेपालको समाचार प्रमुख र कान्तिपुर एफएमको सम्पादकीय टोलीमा काम गरेको अनुभव छ।</p>
<p>उनी गत संघीय निर्वाचनमा साझा पार्टीको तर्फबाट चितवन क्षेत्र नम्बर ३ का उम्म‍ेद्‍वार थिए।</p>
प्रतिक्रिया दिनुहोस्
.jpg)
