Others

गृहपृष्ठ

लकडाउनको २१ दिनमा ६१ बलात्कार, १३ बलात्कार प्रयास काठमाडौं। कञ्&zwj;चनपुरको भीमदत्त नगरपालिका ६८ वर्षीय तारादत्त ओझालाई ६ वैशाखमा प्रहरीले किशोरी बलात्कारको आरोपमा पक्राउ गर्&zwj;यो। ओझाले २ वैशाखमा १५ वर्षीया बालिकालाई घरमा आएको मौका छोपेर बलात्कार गरेको आरोप छ। पीडित परिवारले किटानी जाहेरी दिएपछि उनीमाथि जबर्जस्ती करणीअन्तर्गत प्रहरीले अनुसन्धान गरिरहेको छ।  नयाँ वर्ष अर्थात १ वैशाखमै कैलालीको गौरीगंगा नगरपालिका ४ की एक युवतीलाई नियन्त्रणमा लिएर चारजनाको समूहले बलात्कार गर्&zwj;यो। त्यसको भोलिपल्टै प्रहरीले स्थानीय नरेश नेपाली, अर्जुन सावद, निर्मल चौधरी र नरेश भट्टलाई बलात्कार गरेको आरोपमा नियन्त्रणमा लियो। प्रहरीले उनीहरूबाट धारिलो हतियार र मोटरसाइकलसमेत बरामद गरेको छ।  गौरीगंगामा युवती बलात्कार भएको २४ घण्टा नबित्दै कैलालीमा नै एक किशोरी बलात्कृत भइन्। बाख्रा चराइरहेकी १५ वर्षीया किशोरीलाई २ वैशाख साँझ डरत्रास देखाई तीनजनाले बलात्कार गरे। प्रहरीले जोशीपुर गाउँपालिका ४ लालपुर वाणीका रामकुमार चौधरी, मंगल चौधरी र सुरेशकुमार चौधरीलाई घटनास्थलबाटै नियन्त्रणमा लियो। कैलाली जिल्ला अदालतबाट १५ दिनको म्याद थप गरेर प्रहरीले अनुसन्धान गरिरहेको छ।  कैलाली र कञ्&zwj;चनपुरमा नयाँ वर्षको शुरुवातसँगै बलात्कार भएका यी तीन प्रतिनिधि घटना हुन्।  कोभिड-१९ को संक्रमण रोकथाम र नियन्त्रण गर्न सरकारले ११ चैतदेखि देशैभर लकडाउन गरेको छ। २ वैशाखको मन्त्रिपरिषद् बैठकले लकडाउनको समय १५ वैशाखसम्म निरन्तरता दिएको छ।   लकडाउन शुरु भएयताको तीन साताको तथ्यांक हेर्ने हो भने देशैभर २१ दिनको अवधिमा ६१ बलात्कारका घटना भएका छन्। प्रहरी प्रधान कार्यालयले उपलब्ध गराएको ११ चैतदेखि २ वैशाखसम्म देशैभरको तथ्यांक हेर्दा जबरजस्ती करणीका ६१ वटा मुद्दा दर्ता भएका छन्।  सबैभन्दा धेरै प्रदेश ५ मा १२, वागमती प्रदेशमा ११, प्रदेश १ मा १०, प्रदेश २ मा १०, उपत्यकामा ४, कर्णाली प्रदेश १ र सुदूरपश्&zwj;चिम प्रदेशमा एउटा मुद्दा दर्ता गरिएका छन्।  २ वैशाखपछि कैलाली र कञ्&zwj;चनपुरमा भएका बलात्कारका घटनाजस्तै अन्य प्रदेशका बलात्कारका घटनाको अनुसन्धान भइरहेको छ। यो पाँचदिनको अवधिमा पनि देशका विभिन्&zwj;न स्थानमा बलात्कार भएको घटना सार्वजनिक भएका छन्।  प्रहरीका अनुसार यो अवधिमा १३ वटा जबर्जस्ती करणी उद्योगअन्तर्गत मुद्दा दायर गरिएको छ। यो अवधिमा ज्यानसम्बन्धी ३०५, आत्महत्यासम्बन्धी २७७ मुद्दा दर्ता भएका छन्। यो अवधिमा २३० जनाले झुण्डियर आत्महत्या गरेका छन्।  चोरीका घटनामा भने कमी देखिन्छ। तीन सातामा देशैभर २३ वटा चोरीका घटना भएको प्रहरीले जनाएको छ। संगठित र आर्थिक अपराधसम्बन्धी १०८ वटा मुद्दा दर्ता भएका छन्। सामाजिक अपराधका १३९ वटा मुद्दा दर्ता गरिएको छ। महिला तथा बालबालिकासम्बन्धी अपराधअन्तर्गत जबर्जस्ती करणी र उद्योगसमेत गरेर ९७ वटा मुद्दा छन्।  सवारीसम्बन्धी ३९ वटा मुद्दा दर्ता भएका छन्। तीमध्ये सवारी ज्यानका ३५ छन्। यस्तै, बैकिङ कसुरमा ३३ र विद्युतीय कसुर र साइबर अपराधमा ५ वटा मुद्दा दर्ता भएको प्रहरी प्रधान कार्यालयले जनाएको छ।