स्थापना दिवसमा राजपाकाे अपिल- ‘कोभिड–१९ विरुद्ध जुटाैं’
<p>काठमाडाैं। राष्ट्रिय जनता पार्टी (राजपा) नेपालले आफ्नो स्थापना दिवसको अवसरमा पार्टीका नेता, कार्यकर्ता, शुभेच्छुक मतदाता तथा आमजनसमुदायलाई शुभकामना तथा बधाई ज्ञापन गरेको छ।</p>
<p>राजपा अध्यक्षमण्डलका संयोजक शरतसिंह भण्डारीले आज एक विज्ञप्ति जारी गर्दै कोभिड-१९ को महामारीको जोखिमका कारण यस वर्ष कुनै औपचारिक कार्यक्रम गर्न नसकिएको जनाएका छन्।</p>
<p>राजपाले कोभिड–१९ को महामारीबाट जोगिन सम्पूर्ण पार्टीपंक्तिलाई एक ढिक्का भएर दृढ सङ्कल्पकासाथ लकडाउनको नियम पालना गर्न/गराउन पनि आग्रह गरेको छ।</p>
<p>सुरक्षित रही आफ्नो वडामा नागरिकलाई राहतलगायत अन्य कुनै प्रकारको समस्या देखिए समन्वयकारी भूमिका निर्वाह गर्नसमेत राजपाले पार्टीपंक्तिलाई आग्रह गरेको छ।</p>
<p>७ वैशाख २०७४ मा मधेश केन्द्रित ६ राजनीतिक दल मिलेर राजपा स्थापना भएको थियो।</p>
<p>राजपाको दुई वर्षदेखि पार्टी एकताको महाधिवेशन हुन सकेको छैन। चक्रीय प्रणालीअनुरूप हरेक दुई महीनामा राजपाको नेतृत्व परिवर्तन हुने परम्परा छ।</p>
<p>सोहीअनुररूप राजपा अध्यक्षमण्डलका ६ सदस्यले पालैपालो नेतृत्व लिँदै आएका छन्। <em>रासस</em></p>
प्रतिक्रिया दिनुहोस्
.jpg)
