काेभिड-१९ काे उद्गमस्थल चीनकाे वुहान न्यून जोखिम क्षेत्र घोषित
<p>बेइजिङ। कोरोना भाइरसको उद्गमस्थल मानिने चीनको वुहानलाई कोरोना भाइरसको संक्रमणबाट न्यून जोखिमपूर्ण क्षेत्रको रूपमा घोषणा गरिएको छ।</p>
<p>पछिल्लो १४ दिनमा कुनै पनि संक्रमित नभेटिए कोरोना भाइरसबाट न्यून जोखिमपूर्ण क्षेत्र घोषणा गरिने व्यवस्थाअनुसार वुहान क्षेत्रलाई न्यून जोखिमपूर्ण क्षेत्र घोषणा गरिएको हो।</p>
<p>चीनमा कम्तीमा पनि पछिल्लो १४ दिनमा कोरोना भाइरसबाट संक्रमित कुनै पनि व्यक्ति नभेटिएका राज्य, जिल्ला तथा शहरहरूलाई कोरोना न्यून जोखिमपूर्ण क्षेत्रको रूपमा घोषणा गरिने मापदण्ड राज्य सरकारले बनाएको छ।</p>
<p>त्यसैगरी ५० वा सोभन्दा कम संक्रमित देखिएको ठाउँलाई मध्यम जोखिम र ५० भन्दा बढी संक्रमित भेटिएको ठाउँलाई उच्च जोखिमपूर्ण क्षेत्र मानिने मापदण्डमा उल्लेख गरिएको छ।</p>
<p>चिनियाँ राष्ट्रिय स्वास्थ्य आयोगले दिएको पछिल्लो विवरणअनुसार आज देशभर १६ जना मात्रै नयाँ संक्रमित भेटिएका छन्।</p>
<p>आजसम्ममा कोरोना भाइरसका कारण चीनमा मृत्यु हुनेको संख्या चार हजार ६३२ पुगेको आयोगले जनाएको छ।</p>
<p>त्यसैगरी कूल संक्रमितको संख्या ८२ हजार ७३५ पुगेको छ भने एक हजार ४१ जनाको मात्रै अहिले उपचार भइरहेको छ। बँकी ७७ हजार ६२ जना संक्रमणमुक्त भइसकेका छन्। <em>-रासस/पीटीआई</em></p>
प्रतिक्रिया दिनुहोस्
.jpg)
