.jpg)
तुलसीपुरका मुस्लिम समुदायले घरमै पढ्न थाले नमाज
<p>दाङ। दाङको तुलसीपुर उपमहानगरपालिकाका मस्जिदको अनुगमन गरिएको छ।</p>
<p>उपमहानगरपालिका प्रमुख घनश्याम पाण्डेका अनुसार उपमहानगरपालिकाका नेपाली जामे मस्जिद, अबु बकर मस्जिद र फैजाने मुस्तफमा अनुगमन गरिएको हो।</p>
<p>मस्जिदको अनुगमनमा राष्ट्रिय सभा सदस्य जगप्रसाद शर्मा, प्रतिनिधि सभा सदस्य हीराचन्द्र केसी, पूर्वसांसद् अनारकली मियाँलगायतको सहभागिता थियो।</p>
<p>अनुगमनका क्रममा मस्जिदमा मौलाना मात्रै रहेको पाइएको प्रमुख पाण्डेले बताए। </p>
<p>उनका अनुसार अहिले मुसलमानले घरमै बसेर नमाज पढ्न थालेका छन्। </p>
<p>हरेक दिन नमाज पढ्नका लागि मुसलमान मस्जिदमा आउने गरे पनि कोरोना भाइरस संक्रमणको त्रासपछि पूर्ण रूपमा बन्द रहेको मस्जिद व्यवस्थापन समितिका पदाधिकारीले बताएका छन्।</p>
<p>प्रमुख पाण्डेले तुलसीपुरबाट कोही पनि मुलसमान बाहिर नगएकाले संक्रमणको त्रास नभएको जिकिर गरे। <em>रासस</em></p>
प्रतिक्रिया दिनुहोस्
.jpg)
