मिर्गौला किनबेचको आरोपमा निदान अस्पतालका सीइओ पक्राउ
<p>काठमाडौं। प्रहरीको मानव बेचविखन अनुसन्धान ब्यूरोले मिर्गौला किनबेच गरेको आरोपमा ललितपुरस्थित निदान अस्पतालका सीइओ विपेन्द्र प्रधानसहित पाँच जनालाई पक्राउ गरेको छ।</p>
<p>एक व्यक्तिको नाममा अर्कै व्यक्तिको मिर्गौला झिकेको आरोपमा उनीहरुलाई पक्राउ गरिएको ब्यूरोले आज पत्रकार सम्मेलन गरेर सार्वजनिक गरेको छ।</p>
<p>पक्राउ पर्नेहरुमा काठमाडौं–२६ का सीइओ प्रधानसहित अस्पतालकै चिकित्सक डा. राजेश पन्त, सप्तरी कञ्चनपुर नगरपालिका–९ घर भई भक्तपुर मध्यपुर थिमी बस्ने कुमुदकुमार भट्टराई, ललितपुरका रामचन्द्र आले र स्वयम्भू बस्ने शंकरलाल लामा छन्।</p>
<p>उनीहरुमध्ये भट्टराई अस्पतालका कानुन अधिकृत हुन्। आले जिल्ला प्रशासन कार्यालय ललितपुरका शाखा अधिकृत हुन्। लामा भने मिर्गौला लिने व्यक्ति रहेको ब्यूरोले जनाएको छ।</p>
<p>ब्यूरोका प्रहरी उपरीक्षक गोविन्द थपलियाले उनीहरुलाई मानब बेचविखन तथा ओसार पसार (नियन्त्रण) ऐन २०६४ अनुसार कारबाही अघि बढाइएको बताए। <br />
</p>
प्रतिक्रिया दिनुहोस्
.jpg)
